हनुमान मन्दिरमा दानपेटिका फुटाएर नगद चोरी

बारा शुक्रबार ८

बाराको कलैया बजारस्थित हनुमान मन्दिरमा रहेको दानपेटिकाको ताला तोडेर नगद चढावा चोरी भएको छ।

अज्ञात व्यक्तिले मन्दिर परिसरमा रहेको दानपेटिकाको ताला फुटाई भक्तजनले चढाएको नगद रकम चोरी गरेको प्रारम्भिक जानकारी प्राप्त भएको छ।

घटनाबारे जानकारी पाएपछि प्रहरीले घटनास्थल पुगेर आवश्यक अनुसन्धान सुरु गरेको जनाएको छ। चोरीमा संलग्न व्यक्तिको खोजीका साथै घटनाको थप अनुसन्धान भइरहेको प्रहरीले जनाएको छ।