जितपुरको नहरमा ५६ वर्षीय हरिनारायण सहनी मृत फेला

कार्तिक ४ जितपुर, बारा । बाराको जितपुर सिमरा उपमहानगरपालिका–७ जितपुरस्थित ब्रह्मबाबा चौर नजिकको नहरमा एक जना पुरुष मृत अवस्थामा फेला परेका छन्।

मृत्यु हुनेमा स्थानीय ५६ वर्षीय हरिनारायण सहनी रहेका छन्। प्रहरीका अनुसार २०८३ कात्तिक ४ गते बिहान करिब ६ बजे सहनीका छोरा राम विनय सहनीले नहरमा बुबालाई मृत अवस्थामा देखेपछि शवलाई नहरबाट निकालेर डिलमा राखेका थिए। त्यसपछि बिहान ६ः२० बजे इलाका प्रहरी कार्यालय जितपुर, बारालाई घटनाबारे जानकारी गराइएको थियो।

सूचना प्राप्त हुनासाथ इलाका प्रहरी कार्यालय जितपुरबाट प्रहरी वरिष्ठ नायब निरीक्षक उमेश निरौलाको कमान्डमा पाँच जनाको टोली घटनास्थलमा खटिएको थियो। प्रहरीले घटनास्थल सुरक्षित राखेको थियो भने आवश्यक मुचुल्का तथा प्रारम्भिक अनुसन्धानका लागि इलाका प्रहरी कार्यालय सिमराबाट प्रहरी नायब उपरीक्षक दयाकृष्ण भट्टको कमान्डमा सोको (SOCO) सहित पाँच जनाको टोली खटिएको थियो।

प्रहरी टोलीले बिहान ८ः१५ बजे प्रारम्भिक अनुसन्धान तथा आवश्यक कानुनी प्रक्रिया पूरा गरी शव पोस्टमार्टमका लागि प्रादेशिक अस्पताल कलैया पठाएको थियो।

बिहान ११ः२५ बजे पोस्टमार्टम सम्पन्न भएपछि मृतकका छोरा विनय सहनीले शव बुझिलगेको प्रहरीले जनाएको छ।

घटनाको कारणबारे भने थप अनुसन्धान भइरहेको छ।