ओली भेट्न गुण्डु पुगे कांग्रेस सभापति गगन थापा, एक घण्टासम्म भयो ‘वान-अन-वान’ संवाद

बिरगंज, पर्सा, १८ कार्तिक 

काठमाडौं । नेपाली कांग्रेसका सभापति गगनकुमार थापा र नेकपा (एमाले) का अध्यक्ष केपी शर्मा ओलीबीच भेटवार्ता भएको छ।

मंगलबार साँझ कांग्रेस सभापति थापा भक्तपुरको गुण्डुस्थित ओली निवास पुगेर ओलीसँग भेट गरेका हुन्। दुई नेताबीच करिब एक घण्टासम्म एक्लाएक्लै (वान-अन-वान) कुराकानी भएको बताइएको छ।

भेटका क्रममा पछिल्लो समय विकसित राष्ट्रिय राजनीतिक घटनाक्रम तथा समसामयिक विषयमा विस्तृत छलफल भएको जनाइएको छ।

थापानिकट स्रोतका अनुसार भेटवार्तामा विशेषगरी मधेश प्रदेश सरकारको राजनीतिक समीकरण र पछिल्लो राजनीतिक परिस्थितिबारे कुराकानी भएको थियो।

दुई प्रमुख राजनीतिक दलका शीर्ष नेताबीच भएको यस भेटलाई पछिल्लो राजनीतिक घटनाक्रमका सन्दर्भमा अर्थपूर्ण रूपमा हेरिएको छ।