प्रधानमन्त्री शाहले बोलाए मन्त्रिपरिषद् बैठक, संसद् अधिवेशन आह्वानको तयारी

२२ बैशाख, काठमाडौं । प्रधानमन्त्री बालेन शाहले समसामयिक राजनीतिक तथा विधायिक गतिविधिलाई केन्द्रमा राख्दै मंगलबार मन्त्रिपरिषद् बैठक आह्वान गरेका छन् ।

दिउँसो ३ बजे बस्ने तय गरिएको उक्त बैठकमा संघीय संसदको अधिवेशन आह्वानका विषयमा राष्ट्रपतिसमक्ष सिफारिस गर्ने निर्णय हुन सक्ने स्रोतले जनाएको छ । यसैदिन राष्ट्रपति रामचन्द्र पौडेलले सरकारले सिफारिस गरेका आठवटै अध्यादेश जारी गरिसकेकाले अब संसद अधिवेशन बोलाउने प्रक्रिया अघि बढाउने सरकारको तयारी देखिएको छ ।

संवैधानिक परिषद्सम्बन्धी अध्यादेशसहितका महत्वपूर्ण विधेयकहरू कार्यान्वयनमा आएपछि कार्यसूची व्यवस्थापनका लागि संसद अधिवेशन आवश्यक भएको निष्कर्षमा सरकार पुगेको बुझिएको छ ।