सुनको मूल्य सामान्य घट्यो, चाँदी बढ्यो

काठमाडौं : सोमबार नेपाली बजारमा सुनको मूल्य ३०० रुपैयाँले घटेको छ। नेपाल सुन -चाँदी व्यवसायी महासंघका अनुसार आज आइतबारको तुलनामा ३०० रुपैयाँले घटेर प्रतितोला सुनको भाउ २ लाख ९४ हजार ८०० कायम भएको छ। आइतबार प्रतितोला सुनको मूल्य २ लाख ९५ हजार  १०० पुगेको थियो। सो दिन एक तोला सुनको मूल्य १ हजारले घटेको थियो।

यसैगरी चाँदीको मूल्य भने सामान्य वृद्धि भएको छ। महासंघका अनुसार यसदिन २० रुपैयाँले बढेर एक तोला चाँदी  ५ हजार  ३० रुपैयाँमा कारोबार भइरहेको छ।

आइतबार प्रतितोला चाँदी ५ हजार १० रुपैयाँमा खरिदबिक्री भएको थियो।