वीरगन्ज युथ कमिटीले आयोजना गरेको निःशुल्क शिविरबाट ३ सय ५० जना लाभान्वित

वीरगन्ज,२३जेठःवीरगन्ज–१० स्थित रामचरण साह पन्नालाल माध्यमिक विद्यालयमा आयोजित निःशुल्क स्वास्थ्य शिविरमा ३ सय ५० बढी विद्यार्थीहरुको स्वास्थ्य चेकजाँच गरिएको छ । वीरगन्ज यूथ कमिटीले शुक्रबार विद्यालय परिसरमै आयोजना गरेको निःशुल्क आँखा तथा दन्त परीक्षण शिविरबाट विद्यार्थीहरु लाभान्वित भएका हुन् ।

वीरगन्ज यूथ कमिटीले सामाजिक उत्तरदायित्व अन्तर्गत आयोजना गरेको उक्त शिविरमा मनोकामना डेन्टल क्लिनिक र वीरगन्ज सामुदयिक आँखा केन्द्रले प्राविधिक सहयोग गरेका थिए । ्

वीरगन्ज युथ कमिटीका संस्थापक अध्यक्ष विक्कीकुमार गुप्ताले आगामी दिनमा पनि यस्ता जनहितकारी कार्यक्रमलाई निरन्तरता दिने बताए।