निश्चल बस्नेतको रमाइलो व्यंग्य : स्वस्तिमासँग तस्बिर राख्दै लेखे– ‘धन्न बिहे गरिहालिएछ, नत्र त सिंगलै भइने रहेछ’

काठमाडौं । निर्देशक तथा अभिनेता निश्चल बस्नेतले अभिनेत्री एवं पत्नी स्वस्तिमा खड्कासँगको तस्बिर सामाजिक सञ्जालमा सार्वजनिक गर्दै रमाइलो व्यंग्य गरेका छन्।

निश्चलले स्वस्तिमासँगको तस्बिर पोस्ट गर्दै लेखेका छन्, ‘धन्न बिहे गरिहालिएछ। नत्र त सिंगलै भइने रहेछ।’

पछिल्लो समय सामाजिक सञ्जालमा चर्चित बनेको ‘धन्न...’ शैलीलाई पछ्याउँदै निश्चलले यस्तो व्यंग्यात्मक पोस्ट गरेका हुन्। उनको यो पोस्टमा सामाजिक सञ्जाल प्रयोगकर्ताले विभिन्न रमाइला प्रतिक्रिया दिएका छन्।

केही समययता सामाजिक सञ्जालमा ‘धन्न...’ शैलीका व्यंग्यात्मक टिप्पणी र पोस्टहरू चर्चामा छन्। प्रधानमन्त्री बालेन्द्र शाहले कांग्रेस महाधिवेशनमा भएको आलोचनापछि ‘धन्न खुलामञ्च राम्रो बनाइएछ...’ भन्दै सामाजिक सञ्जालमा व्यंग्यात्मक टिप्पणी गरेपछि यो शैली थप चर्चामा आएको थियो।

त्यसपछि विभिन्न व्यक्तिले आफ्ना पोस्ट तथा प्रतिक्रियामा यही शैलीलाई रमाइलो र व्यंग्यात्मक ढंगले प्रयोग गर्दै आएका छन्।

निश्चलको पछिल्लो पोस्ट पनि यही शैलीको रमाइलो निरन्तरता देखिन्छ। स्वस्तिमासँगको तस्बिरसँगै लेखिएको उनको उक्त भनाइले सामाजिक सञ्जालमा हाँसो र रमाइला प्रतिक्रियासहित चर्चा पाइरहेको छ।