अनुशासन उल्लंघनको आरोपमा एआईजी दाहाल सेवाबाट हटाइए

बिरगंज, पर्सा, २४ असोज 

काठमाडौं । सशस्त्र प्रहरी बल नेपालका अतिरिक्त महानिरीक्षक (एआईजी) वंशीराज दाहाललाई सेवाबाट बर्खास्त गरिएको छ। गृह मन्त्रालयले दाहाललाई असोज २३ गतेदेखि लागू हुने गरी सेवाबाट हटाउने निर्णय गरेको हो।

गृह मन्त्रालयका अनुसार दाहालले पटक–पटक आचरण तथा अनुशासनसम्बन्धी नियम उल्लंघन गरेको, अनुशासनहीन व्यवहार देखाएको र नेपाल सरकार वा संगठनको प्रतिष्ठामा आँच पुग्ने कार्य गरेको ठहर भएपछि उनीमाथि विभागीय कारबाही गरिएको हो।

गृह मन्त्रालयका सहसचिव तथा प्रवक्ता आनन्द काफ्लेले दाहाललाई सेवाबाट हटाइएको जानकारी दिएका छन्।

आचरण र अनुशासन उल्लंघनसम्बन्धी विषयलाई आधार बनाएर मन्त्रालयले गरेको निर्णयसँगै दाहाल सशस्त्र प्रहरी बल नेपालको सेवाबाट बाहिरिएका छन्।