हात धुने क्रममा मोटरबाट करेन्ट लागेर एकको मृत्यु

रौतहट ८ 

रौतहटको गौर नगरपालिका वडा नं ४ मा रहेको सुधार केन्द्रमा रहेका एक युवा को चपाकलमा जडान गरिएको मोटरमा हात धुने क्रममा मोटरबाट करेन्ट लागेर मृत्यु भएको छ। 

रौतहटको गौर नगरपालिका वडा नं ४ मा रहेको युवा राईज सुधार केन्द्रमा भर्ना भई बिगत ५ महिना देखि बस्दै आएको भारत घर रहेका ३४ वर्षीय विकास रायको मृत्यु भएको छ।

छिमेकी देश भारतको बेतिया जिल्ला घर भएको सुरेश रायको छोरा बर्ष ३४ को बिकाश रायले युवा राईज सुधार केन्द्रको कम्पाउण्डमा मोटरको तार जडान गरी चपाकलमा हात धुने क्रममा मोटरबाट करेन्ट लागी घाईते भएका थिए। 

घाइते हुनसाथ उपचारको लागी प्रादेशिक अस्पताल गौर रौतहटमा ल्याई डाक्टरले चेकजाँच रायको मृत्यु बिहानको नौ बजेर पच्पन्न मिनेटमा भएकाे जानकारी दिएका थिए।

उक्त शव अहिले सोही अस्पतालमा रहेको छ। मृतकको आफन्तलाई यस घटनाको जानकारी गराइएको तथा उक्त स्थानमा जिल्ला प्रहरी कार्यालय रौतहटबाट़ प्रहरी निरीक्षक कैलाश कुमार के.सी.को कमाण्डमा खटेका टोलीले अनुसन्धान कार्य अगाडि बढाइएको जानकारि समेत प्राप्त भएको छ।