पर्साको पोखरियाबाट ब्राउन सुगरसहित एक युवक पक्राउ

वीरगंज,११ जेठ।पर्सा जिल्लाको पोखरिया नगरपालिका वडा नं. ९ बाट इलाका प्रहरी कार्यालय पोखरियाको टोलीले ब्राउन सुगरसहित एक युवकलाई पक्राउ गरेको छ। विशेष सूचनाको आधारमा प्रहरीले रातिको समयमा छापा मारेर उक्त कारबाही गरेको जनाएको छ।इलाका प्रहरी कार्यालय पोखरियाका प्रहरी निरीक्षक प्रदीप पौडेलको कमाण्डमा खटिएको प्रहरी टोलीले मिति २०८३ जेठ १० गते राति करिब २३:३० बजे पोखरिया नगरपालिका वडा नं. ९ स्थित एक टहरामा लागुऔषध कारोबार भइरहेको भन्ने गोप्य सूचना प्राप्त गरेपछि तत्काल प्रहरी परिचालन गरिएको थियो।

प्रहरीले शंकास्पद स्थानमा खानतलासी गर्दा ५.५ ग्राम ब्राउन सुगरजस्तो देखिने पदार्थ फेला पारी बरामद गरेको जनाएको छ। बरामद गरिएको पदार्थ परीक्षणका लागि सम्बन्धित निकायमा पठाइने प्रहरीले जानकारी दिएको छ।कारबाहीका क्रममा स्थानीय बिजुली राउत कम्करका अन्दाजी २० वर्षीय छोरा विशाल राउत कम्करलाई नियन्त्रणमा लिइएको हो। पक्राउ परेका युवकलाई इलाका प्रहरी कार्यालय पोखरिया ल्याएर थप अनुसन्धान कार्य अगाडि बढाइएको प्रहरीले जनाएको छ।

प्रहरीका अनुसार पछिल्लो समय क्षेत्रमा लागुऔषध कारोबार तथा सेवन नियन्त्रण गर्न विशेष निगरानी र अभियान सञ्चालन भइरहेको छ। युवापुस्तालाई लागुऔषध दुर्व्यसनबाट जोगाउन तथा समाजमा शान्ति सुरक्षा कायम राख्न प्रहरी सक्रिय रूपमा लागिरहेको जनाइएको

छ।