पर्साले नेपाली कांग्रेसका नेता सहाबुद्दिन २५ हजार धरौटीमा रिहा

वीरगञ्ज । जिल्ला अदालत पर्साले नेपाली कांग्रेसका नेता मोहम्मद सहाबुद्दिनलाई २५ हजार रुपैयाँ धरौटीमा रिहा गर्न आदेश दिएको छ।

मोहम्मदी दिवसका दिन धार्मिक झण्डाको विषयलाई लिएर दुई समुदायबीच विवाद उत्पन्न भएको घटनामा सहाबुद्दिनमाथि आफ्नै घरको छतबाट ढुङ्गा प्रहार गरेको आरोप लागेको थियो।

उक्त घटनासम्बन्धी मुद्दामा अदालतमा भएको सुनुवाइपछि सहाबुद्दिनलाई २५ हजार रुपैयाँ धरौटीमा रिहा गर्ने आदेश भएको हो।

धार्मिक झण्डाको विषयलाई लिएर भएको विवादले त्यसबेला दुई समुदायबीच तनावको अवस्था सिर्जना गरेको थियो। घटनापछि प्रहरीले अनुसन्धान अघि बढाउँदै सम्बन्धित व्यक्तिहरूमाथि कानुनी प्रक्रिया अगाडि बढाएको थियो।

अदालतको आदेशसँगै सहाबुद्दिन धरौटी बुझाएर रिहा भएका छन्। घटनासम्बन्धी थप अनुसन्धान तथा कानुनी प्रक्रिया भने जारी रहने बताइएको छ।