टिमुरेका भन्सार अधिकृत नकुल शर्माको शव गोरखामा भेटियो

काठमाडौँ । रसुवाको टिमुरेमा कार्यरत भन्सार अधिकृत नकुल शर्माको शव गोरखामा भेटिएको छ।

भोटेकोशीमा आएको बाढीपछि सम्पर्कविहीन रहेका शर्माको शव त्रिशूली नदीको गोरखातर्फको किनारमा फेला परेको गोरखाका प्रमुख जिल्ला अधिकारी तुलसीबहादुर श्रेष्ठले जानकारी दिएका छन्।

शर्मा हुम्लाको ताजाकोट गाउँपालिका-२ का बासिन्दा रहेको जनाइएको छ। बाढीपछि उनी सम्पर्कविहीन भएका थिए।

शवको पोस्टमार्टम प्रक्रिया पूरा भएपछि परिवारजनले बुझेर लगेका छन्।