भारतबाट हतियार तथा गोली ल्याएको आरोपमा बारामा एक जना पक्राउ

बारा । भारतबाट अवैध रूपमा हतियार तथा गोली ल्याउँदै गरेको आरोपमा बाराको सिम्रौनगढ नगरपालिका–२, अमृतगञ्जटोलका ५० वर्षीय जयप्रकाश कुशवाह पक्राउ परेका छन्।

सशस्त्र प्रहरीका अनुसार सिम्रौनगढ–कलैया नहररोडमा विशेष सूचनाका आधारमा सशस्त्र प्रहरीको इन्टेलिजेन्स ब्यूरोले चेकजाँच गरेको थियो। सो क्रममा कुशवाहको साथबाट २ थान पेस्तोल र एसएलआरका ५ राउण्ड गोली बरामद गरिएको हो।

हतियार तथा गोलीसहित पक्राउ परेका कुशवाहमाथि आवश्यक अनुसन्धान अघि बढाइएको सशस्त्र प्रहरीले जनाएको छ। घटनाबारे थप विवरण अनुसन्धानपछि सार्वजनिक गरिने प्रहरीले जनाएको छ//