बाराको कलैयामा टिकटकमा आपत्तिजनक भिडियो पोस्ट गरेको आरोपमा एक बालक पक्राउ

बारा, २६ असोज । सामाजिक सञ्जाल टिकटकमा शान्ति सुरक्षामा आँच पुग्ने प्रकृतिको सामग्री राखेको भन्दै बारा प्रहरीले एक १५ वर्षीय किशोरलाई हिरासतमा लिएको छ।

जिल्ला प्रहरी कार्यालय बाराका अनुसार कलैया उपमहानगरपालिका–७ को छठिया पोखरी मन्दिर परिसरको भिडियो खिचेर टिकटकमा अपलोड गरिएको घटनामा संलग्न रहेको आरोपमा कलैयाकै स्थानीय ती बालकलाई नियन्त्रणमा लिइएको हो।

प्रहरी नायब उपरीक्षक एवं जिल्ला प्रहरी कार्यालयका प्रवक्ता मीनबहादुर घलेका अनुसार सोमबार दिउँसो करिब अढाई बजेको समयमा प्रहरी टोलीले उनलाई पक्रेको हो। यस घटनासँग सम्बन्धित विषयमा अहिले आवश्यक अनुसन्धान भइरहेको प्रहरीले जनाएको छ।