गुठी जग्गामा बसोबास गर्नेहरूद्वारा जनकपुरमा बालेन सरकारविरुद्ध प्रदर्शन

१७ वैशाख,वीरगञ्ज । बालेन शाह नेतृत्वको कार्यशैलीविरुद्ध जनकपुर मा स्थानीयले प्रदर्शन गरेका छन्। गुठीको जग्गामा बसोबास गर्दै आएका बासिन्दाले ‘डोजर आतंक’ बढेको आरोप लगाउँदै सरकारको कदमप्रति असन्तुष्टि जनाएका हुन्।

गुठी–कुटी भूमिहीन घरजग्गा व्यवस्थापन संघर्ष समितिको ब्यानरमा सडकमा उत्रिएका प्रदर्शनकारीहरूले आफू बसोबास गरिरहेको जग्गाको लालपुर्जा उपलब्ध गराउन माग गरेका छन्। साथै, सुकुमवासीलाई उचित व्यवस्थापन नगरी कुनै पनि घरटहरा भत्काउने कार्य नगर्न सरकारसँग आग्रह गरेका छन्।

स्थानीय स्तरमा गुठीको करिब १० बिघा जग्गा अतिक्रमणमा परेको विषय पहिले नै उठ्दै आएको छ। २०६२ सालमा गठन भएको भोजराज घिमिरे नेतृत्वको कार्यदलको प्रतिवेदनमा पनि उक्त अतिक्रमणबारे उल्लेख गरिएको छ।

हाल बालेन नेतृत्वको नगर प्रशासनले अतिक्रमित संरचना हटाउने तयारी गरेको चर्चा चलिरहँदा स्थानीयको विरोध प्रदर्शन चर्किएको हो। यस घटनाले जनकपुरको भूमि व्यवस्थापन र सुकुमवासी पुनःस्थापनाको मुद्दा फेरि सतहमा आएको देखिएको छ।