पर्सा – सनातन परम्पराअनुसार आस्था र जीवन दर्शनको संगम मानिने चैती छठ पर्व आजदेखि सुरु भएको छ। चैत्र महिनामा मनाइने यो पर्वलाई सृष्टिको प्रारम्भ, नयाँ ऊर्जा र नयाँ संकल्पको प्रतीकका रूपमा लिने गरिन्छ।

ज्योतिष आचार्य राजनाथ झा का अनुसार लोकआस्थाको महापर्व चैती छठ आज (मार्च २२) 'नहाय–खाय'सँगै सुरु भएको हो। वैदिक परम्पराअनुसार सूर्यलाई सृष्टिको केन्द्र मानिन्छ र अस्ताउँदै तथा उदाउँदै गरेको सूर्यलाई अर्घ दिने चलन प्राचीन कालदेखि चलिआएको छ।

चैती छठमा षष्ठी देवीको पूजा गरी सन्तानको सुख, समृद्धि र सुरक्षाको कामना गरिन्छ। विशेषगरी मधेश–तराई क्षेत्रमा यो पर्व अत्यन्त श्रद्धा र भक्ति भावका साथ मनाइन्छ।

चार दिनसम्म चल्ने यो पर्वको पहिलो दिन नुहायर खाने व्रतालुहरूले पवित्र स्नान गरी सूर्यको पूजा गर्छन् र अरवा चामल, कद्दूको तरकारी तथा चनाको दाल प्रसादका रूपमा ग्रहण गर्छन्।

दोस्रो दिन (मार्च २३) 'खरना' मनाइन्छ, जसमा दिनभर उपवास बसेर साँझ पूजा गरी गुड, दूध र चामलको खीर ग्रहण गरिन्छ र त्यसपछि ३६ घण्टे निर्जला व्रत सुरु हुन्छ।

तेस्रो दिन (मार्च २४) अस्ताउँदै गरेको सूर्यलाई अर्घ दिइन्छ भने अन्तिम दिन (मार्च २५) उदाउँदै गरेको सूर्यलाई अर्घ अर्पण गरेपछि व्रत सम्पन्न गरिन्छ।

चैती छठले आत्मशुद्धि, अनुशासन र प्रकृतिप्रति श्रद्धा व्यक्त गर्ने सन्देश दिने विश्वास गरिन्छ।

७ चैत,काठमाडौं । सुर्खेतकी इनिशा विकको सामूहिक बलात्कारपछि भएको विभत्स हत्याको विरोधमा आज काठमाडौंको माइतीघर मण्डलामा प्रदर्शन गरिएको छ।

अधिकारकर्मी र सर्वसाधारणको सहभागितामा भएको प्रदर्शनमा सहभागीहरूले दोषीलाई कडाभन्दा कडा कारबाही गर्न र महिला हिंसा अन्त्य गर्न माग गरेका थिए। प्रदर्शनकारीहरूले “इनिशालाई न्याय देउ”, “बलात्कारीलाई फाँसी देउ”, “महिला सुरक्षाको ग्यारेन्टी गर” जस्ता नारा लेखिएका प्लेकार्डहरू बोकेका थिए।

अधिकारकर्मीहरूले राज्यले महिला र बालबालिकाको सुरक्षामा पर्याप्त ध्यान नदिएको भन्दै आक्रोश व्यक्त गरेका छन्।

रामजी यादव ७ फागुन पर्सा:-

बीरगंज महानगरपालिका वडा नं २१ सुकचैनाको बिधालयमा अध्यनरत एक बिधार्थीको मृत्यु रहस्यमय बनेको छ।बीरगंज महानगरपालिका वडा नं २१सुकचैनाको श्री नेपाल राष्ट्रिय गजेन्द्र जोशी माध्यमिक बिद्यालयमा अध्ययनरत कक्षा ५का बिधार्थी आयूष कमार कुशवाहाको उपचारको क्रममा मृत्यु भएको छ।

श्री नेपाल राष्ट्रिय गजेन्द्र जोशी माध्यमिक विद्यालय सुकचैनामा अध्यनरत कक्षा ५मा उमेर १२बर्षको अवधकिशोर कुश्वाहाको छोरा आयुष कु.मार कुशवाहको पठनपाठनको लागि बिधाललयमा गई १:१५मा टिपिनमा नास्ता आई खेलिरहेको अवस्थामा एक्कासी टाउको दुखेको शिक्षकलाई भन्दै करीब २बजेको समय बेहोस भई बिधालयका प्रधानाध्यापक उमेश कुमार मिश्रा सहित शिक्षकहरु प्राथमिक उपचारको लागि स्थानीय क्लिनिकमा लगिएपछि उपचार सम्भव नहूदा बिधार्थी आयुष कुमार कुश्वाहालाई थप उपचारका लागि बीरगंज हेल्थ केयरमा लगिएपछि अस्पतालका डा.हरुले उपचारका लागि आई.सी .यू मा भर्ती पछि भेन्टीलेटरमा राखिए पनि उपचारमा केही सुधार नआएपछि न्यूरो हस्पिटल बीरगंज लगिएकोमा त्याहाँका डा.ले बाच्ने सम्भावना कम छ भन्दैमा परिवारजनले केही आस होला भन्ने आशाले काठ्माडौमा लगिदै गर्दा बिच बाटोमा मृत्यु भएको परिवार श्रोतले जनाएको छ।

मृतक आयुष कुमार कुशवाहालाई दाहसंस्कार गर्न आर्यघाट लगेपछि कपाल मुड्न गर्दा मृतकको कपालमा रातो डाम देखिएको र घाटी भाँचिएको भन्ने थाहा पाएपछि दुई दिन पछि मृतकको बुबा अवधकिशोर कुश्वाहा र उहाँका आफन्तले छोरा आयुष माथि घाटी र टाउकोमा प्रहार गरि हत्या गरिएको भनेर छलफलका लागि वडानं.२१का वडाध्यक्ष,संचारकर्मी,स्थानीय अगुवा भरभलादमी, विद्यालयका प्रधानाध्यापक उमेश कुमार मिश्र सहितका शिक्षकलाई घटना किन र कसरी भएको हो भन्ने बारेमा सत्य तथ्य बुझ्न छलफल मार्फत बुझ्न गरेका थिए।सो घटना बारे अनुसन्धान गरि सत्य तथ्य पता लगाउन पर्साका प्रहरी प्रमुखसंग पिडीत परिवारजनले आग्रह गरेका छन।

काठमाडौं। कैलालीको खक्रौलास्थित सशस्त्र प्रहरी बल नेपाल सीमा सुरक्षा गुल्मका गुल्मपति सशस्त्र प्रहरी नायब उपरीक्षक प्रदीप पौडेलसहितका कर्मचारीलाई काठमाडौंस्थित सशस्त्र प्रहरी बल नेपाल प्रधान कार्यालय झिकाइएको छ।

यही चैत ४ गते भारतबाट अवैध रूपले ल्याउँदै गरेको सामान पक्राउको विषयलाई लिएर भएको घटनाबारे छानबिन र युनिट सुरक्षामा लापरबाही गरेको पाइएपछि कारबाहीको लागि उनीहरुलाई प्रधान कार्यालय झिकाइएको हो।

उक्त घटनामा केही तस्कर समूह अनधिकृत रूपमा सशस्त्र प्रहरी बलको कार्यालयभित्र प्रवेश गरेर गुल्मपतिमाथि हातपातको प्रयास गर्दासमेत के कति कारणले बल प्रयोग नभएको र युनिट सुरक्षामा ध्यान नदिएको हो भन्ने विषयमा प्रधान कार्यालयले गम्भीर रूपमा छानबीन सुरु गरेको सशस्त्रका प्रवक्ता विष्णुप्रसाद भट्टले जानकारी दिए।

तस्कर समूह कार्यालयभित्र छिरेर हुलहुज्जत कसरी सिर्जना भयो भन्ने विषयमा समेत प्रधान कार्यालयको गम्भीर ध्यानाकर्षण भएको उहाँले बताउनुभयो। तस्करी रोक्न विगतदेखि नै उत्कृष्टकार्य गर्दै आएका सशस्त्र प्रहरी नायब उपरीक्षक पौडेलको सक्रियता प्रधान कार्यालयलाई जानकारी भए पनि युनिट सुरक्षामा भने आवश्यक ध्यान नपुर्‍याएको प्रधान कार्यालयको ठहर छ।

यसअघि उक्त घटनाका विषयमा छानबिन गर्न सशस्त्र प्रहरी बल नेपाल नं ७ बैद्यनाथ बाहिनी मुख्यालय कैलालीले नं ४३ रिजर्भ गण वनवेहडा कैलालीका गणपति सशस्त्र प्रहरी उपरीक्षक अनिल कार्कीको अध्यक्षतामा छानबिन समिति गठन गरिएको छ।

घटनालगत्तै घटनाको समयमा त्यहाँ उपस्थित रहेका सशस्त्र प्रहरी कर्मचारीलाई मुख्यालय तानिएको छ भने कार्यालयमा सशस्त्र प्रहरी बल नेपाल नं ३४ गण कैलालीबाट टोली बदली गरिएको छ। सशस्त्र प्रहरी बलले तस्करीविरुद्ध अभियान नै सञ्चालन गरिरहेकामा खक्रौलाबाट हुने तस्करीविरुद्ध विगतदेखि नै विशेष निगरानी गरिएको प्रधान कार्यालयले जनाएको छ।