११ वैशाख, काठमाडौँ । श्रम संस्कृति पार्टीले सुकुमवासी बस्तीहरू भत्काउने सरकारी कदमको कडा शब्दमा निन्दा गरेको छ । पार्टीका अध्यक्ष हर्क साम्पाङले एक विज्ञप्ति जारी गर्दै संविधान र लोकतान्त्रिक मूल्य-मान्यताको धज्जी उडाउँदै गरिब जनतालाई उठिबास लगाउने काम तत्काल रोक्न सरकारलाई चेतावनी दिएका छन् ।

पछिल्लो समय देशका विभिन्न स्थानमा सरकारले सुकुमवासी बस्तीहरूमाथि गरेको हस्तक्षेपले नागरिकको मौलिक हकमाथि प्रहार भएको साम्पाङको दाबी छ। विज्ञप्तिमा उनले संविधानको धारा ३७ को उपधारा १ ले सुनिश्चित गरेको ‘आवासको हक’को सरकारले ठाडो उल्लंघन गरेको आरोप लगाएका छन् ।

अध्यक्ष साम्पाङले बस्ती भत्काउने शैलीलाई ‘राज्य आतंक’को संज्ञा दिएका छन् । जनताको घर भत्काउनु, उनीहरूलाई बेघर बनाउनु, बल प्रयोग गर्दै लछारपछार गर्नु, गालीगलौज र लाठी–बन्दुकको बलमा तर्साउनुले सरकारको नियतमाथि प्रश्न उठाएको उनको भनाइ छ ।

“संविधानको धारा १६ को उपधारा १ ले सम्मानपूर्वक बाँच्न पाउने हकको ग्यारेन्टी गरेको छ,” विज्ञप्तिमा उल्लेख छ, “तर सरकारले लाठी र बुटको प्रयोग गरेर नागरिकमाथि दमन गर्नुले उसको निरंकुश चरित्रलाई छर्लङ्ग पारेको छ।” यस्ता घटनाले लोकतन्त्रको आधारभूत मूल्य-मान्यतालाई नै लत्याएको साम्पाङको टिप्पणी छ ।

श्रम संस्कृति पार्टीले विस्थापन हुनुअघि सरकारले अपनाउनुपर्ने संवैधानिक दायित्वका बारेमा सचेत गराएको छ । अध्यक्ष साम्पाङले कुनै पनि बहानामा जनतालाई सडकमा ल्याउनुअघि उचित क्षतिपूर्ति र दीर्घकालीन पुनर्वासको व्यवस्था गर्न सरकारलाई सुझाव दिएका छन् ।

“गरिब जनताका बासस्थान भत्काउनुअघि सरकारले उनीहरूको उचित व्यवस्थापन र पुनर्वासको सुनिश्चितता गर्नुपर्छ,” विज्ञप्तिमा भनिएको छ, “यस्तो कानुनी र मानवीय प्रक्रिया पूरा नगरी गरिएको बलमिच्याइँ लोकतान्त्रिक सरकारका लागि शोभनीय छैन।”

आफ्नो पार्टीले नागरिकको बासस्थानको हकका लागि सदैव आवाज उठाउने र सरकारको यस्तो अलोकतान्त्रिक कार्यको प्रतिवाद गरिरहने साम्पाङले स्पष्ट पारेका छन् । सरकारले तत्काल यस्ता गतिविधि रोकेर संवाद र सहकार्यका माध्यमबाट समस्याको समाधान खोज्नुपर्नेमा पार्टीले जोड दिएको छ ।

११ वैशाख, काठमाडौँ । सम्पत्ति शुद्धीकरण अनुसन्धान विभागका महानिर्देशक गजेन्द्र ठाकुरलाई अर्थ मन्त्रालयमा फिर्ता बोलाइएको छ।

बिचौलिया दीपक भट्टको ‘स्टार माइक्रो इन्स्योरेन्स’ मा पत्नीको नाममा शेयर भेटिएपछि विवादमा तानिएका ठाकुरलाई बिहीबार मन्त्रालय तानिएको हो।

हाल मन्त्रालयले उनलाई कुनै पनि जिम्मेवारी तोकेको छैन। यता, महानिर्देशक ठाकुरले भने उक्त लगानी बैंक ऋण र सञ्चय कोषको रकममार्फत कानुनी रूपमै गरिएको दाबी गर्दै आएका छन्।

नेपाल सरकारको नीति नियम अनुसार १०० रुपैयाँ भन्दा बढी कोे सामान भन्सार नगराई नेपाल भित्रिन न दिन् निर्देशन विपरीत अहिले पर्सा जिल्लाको मुख्य नाका वीरगन्ज भन्सार बाहेक सम्पूर्ण नाकामा तस्करी नियंत्रण गर्नुको साटो झन् बढी भएको बुझिएको छ। 

दिनभरि सुनसान देखिने अवस्था नेपाल प्रहरी र ससस्त्र प्रहरी ले सृजना गरेतापनि तस्करी जस्तो अपराधिक क्रियाकलाप नियन्त्रण हुन सकेको छैन्। विशेष गरी पर्साको अलौ र सिर्सिया नाका बाट दैनिक रूपमा तस्करी मौलाउँदै गरेको जो कोइले यी नाकामा जाँदा पूर्ण रुपमा देखिने र बुझिने अबस्था छ। 

घरायसी वस्तु हरु आम सर्वसाधारण जनताले ल्याउँदा नियम अनुसार १०० रुपैयाँको नियमको पाठ सिकाउने तर प्रहरी प्रशासन लाई मोटो रकमको नजराना बुझाएका तस्करलाई बिना कुनै चेकजाँच कोे डिउटी खर्च ली तस्करीको वस्तु छोड्ने गरेका छन्। 

पर्सा वीरगञ्जको सिर्सिया चौकीको इलाका अनुसार छपकैया पुल कोे पश्चिम पट्टि देखि तिलावे पुल सम्मको छेत्र पर्ने गरेको छ। दिनेश सिंह यी सिर्सिया चौकीमा घुमवा बसेका व्यक्ति हुन्। उनले आफ्नो ६ देखि ७ महिना जतिको कार्यकालमा यी छेत्र लगाएत अन्य क्षेत्रबाट हुने तस्करीको मुख्य बाटो र यी नाकाहरूमा रहेका तस्करहरुसंग राम्रो सम्बन्ध रहेको श्रोतको दाबी रहेको छ। 

 स्थानिय व्यक्तिहरूका अनुसार दिन् त दिन् रातभरि मोटरसाइकल कोे चर्को आवाज र तस्करको लस्कर लाग्ने ले गर्दा रातिमा सुत्न समेत गार्हो भएको खालवा सिर्सिया का एक स्थानीयले जानकारी गराएका छन्। दिनेश सिंह अलौ र सिर्सिया नाकामा कहिले प्रहरीकाे वर्दी लगाएर जाने त कहिले सादा पोशाक मै आफनो (एफ जेड) मोटरसाइकल लिएर नाका मा पुग्ने गरेका छन्। 

सिर्सिया चौकीमा घुमवा बसेका सिंह एकासी आफनो सरुवा गराई तुरुन्तै टाइगर टोलीमा बस्नु ले प्रमाणित गर्छ कि राम्राे पहुँच र राम्राे सम्बन्ध हुँदा बाटो तथा सेन्ट्रिको डिउटी गर्नु पर्दैन आफ्नो मनपर्दो ठाँउमा व्यवस्था मिलाउन सकिन्छ। यस विषयमा सम्बन्धित निकायले ध्यान दिन अति आवश्यक रहेको बुझिन्छ।

१० बैशाख, काठमाडौं । प्युठानको प्रसिद्ध धार्मिक स्थल स्वर्गद्वारी दर्शनका लागि जाँदै गरेका भारतीय तीर्थयात्री सवार जिप दुर्घटना हुँदा एक बालकको ज्यान गएको छ ।

स्वर्गद्वारी नगरपालिका–४ स्थित टाकुरामा लु १ ज ३१७५ नम्बरको मुस्ताङ जिप अनियन्त्रित भई सडकबाट करिब ३० मिटर तल खस्दा यो दुखद घटना भएको हो । दुर्घटनामा मृत्यु भएका बालकको पहिचान अझै खुल्न सकेको छैन ।

जिपमा सवार अन्य २१ जना तीर्थयात्री घाइते भएका छन्, जसमा पाँच जना बालबालिका समेत रहेका छन् । दुर्घटनालगत्तै स्थानीय बासिन्दा र प्रहरीको सक्रियतामा घाइतेहरूको उद्धार गरी प्राथमिक उपचारका लागि भिङ्ग्री प्राथमिक स्वास्थ्य केन्द्र पुर्‍याइएको थियो । घाइतेमध्ये १० जनाको अवस्था गम्भीर देखिएपछि उनीहरूलाई थप उपचारका लागि बुटवल रिफर गरिएको प्रहरीले जनाएको छ ।

प्रहरीको प्रारम्भिक अनुसन्धानका अनुसार तीव्र गति वा प्राविधिक गडबडीका कारण जिप अनियन्त्रित भई भीरबाट खसेको हुनसक्ने अनुमान गरिएको छ । भिङ्ग्रीबाट स्वर्गद्वारीतर्फको उकालो बाटोमा भएको यस दुर्घटनाले भारतीय तीर्थयात्रीहरू स्तब्ध बनेका छन् । घटनाको विस्तृत विवरण र मृतकको परिचय खुलाउने प्रयास भइरहेको जिल्ला प्रहरी कार्यालय प्युठानले जानकारी दिएको छ ।