३ बैशाख, काठमाडौँ । जिल्ला प्रहरी परिसर काठमाडौंले पछिल्लो एक महिनाको अवधिमा अपराध नियन्त्रण र कानुनी कारबाहीमा निकै सक्रियता देखाएको छ ।
चैत महिनाको तथ्याङ्क अनुसार प्रहरीले कुल एक हजार १६६ वटा विभिन्न प्रकृतिका मुद्दा दर्ता गरेको छ, जसमा आर्थिक अपराधका घटनाहरूको हिस्सा सबैभन्दा ठूलो देखिएको छ । परिसरका प्रवक्ता पवनकुमार भट्टराईका अनुसार दर्ता भएका मुद्दाहरूमध्ये ५६४ वटा बैंकिङ्ग कसुरसँग सम्बन्धित छन् भने २१४ वटा जघन्य अपराध र अन्य ३४२ वटा विभिन्न प्रकृतिका अपराधका घटना रहेका छन् । यसैगरी महिला, बालबालिका तथा ज्येष्ठ नागरिकसँग सम्बन्धित ४६ वटा मुद्दामा पनि प्रहरीले अनुसन्धान अगाडि बढाएको छ ।
आर्थिक अपराध तर्फ विशेष कडाइ गरेको प्रहरीले सम्पत्ति शुद्धीकरण र हुण्डी कारोबारमा पनि ठूलो सफलता हात पारेको छ । सम्पत्ति शुद्धीकरणका दुई वटा मुद्दामा तीन जनालाई प्रतिवादी बनाएर झन्डै साढे २२ करोड रुपैयाँ बिगो दाबी गरिएको छ । त्यस्तै, हुण्डी कारोबार विरुद्धको अभियानमा सात जना पक्राउ परेका छन् भने उनीहरूबाट एक करोड ५६ लाख रुपैयाँ बिगो दाबी गरिएको छ ।
प्रहरीले भीमढुङ्गा र ठमेल जस्ता क्षेत्रबाट हुण्डी र अभौतिक मुद्रा (क्रिप्टोकरेन्सी) को अवैध कारोबार गर्नेहरूलाई ठूलो रकमसहित नियन्त्रणमा लिन सफल भएको छ, जसमा एक चिनियाँ नागरिक समेत १७ करोड ७९ लाख बराबरको अवैध कारोबारमा संलग्न भेटिएका छन् ।
पछिल्लो समय डिजिटल प्लेटफर्मको दुरुपयोग गरी हुने ठगीका घटनाहरू पनि चुनौतीपूर्ण बन्दै गएका छन् । प्रहरीका अनुसार साइबर अपराध र अनलाइन ठगीसँग सम्बन्धित २६१ वटा मुद्दा दर्ता भएका छन्, जसमध्ये १०० वटा त अनलाइन सपिङका नाममा भएका ठगी हुन् ।
अपराध अनुसन्धानसँगै प्रहरीले सामाजिक उत्तरदायित्वका क्षेत्रमा पनि काम गरिरहेको छ, जसअन्तर्गत एक महिनामा हराएका २७३ व्यक्तिमध्ये १५९ जनालाई फेला पारी परिवारको जिम्मा लगाइएको छ । काठमाडौँ प्रहरीको यो सक्रियताले उपत्यकामा मौलाउँदो आर्थिक र प्रविधिक अपराधलाई निरुत्साहित गर्न महत्त्वपूर्ण भूमिका खेल्ने देखिएको छ ।
धानमन्त्री बालेन शाहले बिहीबार दिउँसो मुख्यमन्त्रीहरूसँग छलफल गर्दैछन्। प्रधानमन्त्री शाहले दिउँसो २ बजे प्रधानमन्त्री तथा मन्त्रिपरिषद्को कार्यालय सिंहदरबारमा सातै प्रदेशका मुख्यमन्त्रीहरूसँग छलफल गर्न लागेका हुन्।
मुख्यमन्त्रीहरूका कुरा सुन्ने गरी प्रधानमन्त्री शाहले छलफलको आयोजना गरेको प्रधानमन्त्रीका प्रेस सहजकर्ता सुरेन्द्र बजगाईंले जानकारी दिए।
सुदूरपश्चिम प्रदेशका मुख्यमन्त्री कमल शाह, कर्णालीका मुख्यमन्त्री यामलाल कँडेल, लुम्बिनीका चेतनारायण आचार्य, गण्डकीका सुरेन्द्र पाण्डे, बागमतीमा इन्द्र बानियाँ, मधेसका कृष्णप्रसाद साह र कोशी प्रदेशका मुख्यमन्त्री हिक्मत कार्की छलफलमा सहभागी हुनेछन्।
‘मुख्यमन्त्रीहरूको कुरा सुन्न नै छलफलको आयोजना गरिएको हो। प्रधानमन्त्रीले सरकारका प्राथमिकता, दृष्टिकोणबारे कुरा राख्नुहुनेछ,’ बजगाईंले भने।
प्रधानमन्त्री संघीयतालाई बलियो बनाएर लैजानुपर्छ भन्ने पक्षमा छन्। त्यसका लागि आवश्यक कानुनी, नीतिगत र प्राथमिकता लगायत क्षेत्रमा आवश्यक सुधार गर्न प्रधानमन्त्री कार्यालय तत्पर देखिएको सचिवालयको भनाइ छ।
अमेरिकी राष्ट्रपति डोनाल्ड ट्रम्पले लगाउने भनेको नाकाबन्दीलाई इरानले गैरकानूनी भनेको छ।
अमेरिका र इरानबीच पाकिस्तानमा भएको वार्ता असफल भएपछि ट्रम्पले सोमबारदेखि नै लागू हुने गरी इरानमाथि नाकाबन्दी लगाउने घोषणा गरेका छन्।
अमेरिका र इसराइलले युद्ध सुरू गरेपछि इरानले स्ट्रेट अफ हर्मुज बन्द गरेर आफ्नो अनुमतिमा मात्रै सो जलमार्ग प्रयोग गर्न दिइरहेको छ।
वार्ता असफल भएपछि जबाफमा अमेरिकाले पनि हर्मुजमा नाकाबन्दी लगाउने ट्रम्पले घोषणा गरेका हुन्।
हर्मुज प्रयोग गरी इरानी बन्दरगाहमा जाने र त्यहाँबाट फर्कने सबै देशका जहाजमा नाकाबन्दी लगाउने अमेरिकाले घोषणा गरेको हो। हर्मुज हुँदै अन्य देशमा जाने समुद्री जहाजहरूलाई भने अवरोध नगरिने अमेरिकाले जनाएको छ।
ट्रम्पको सो नाकाबन्दीलाई इरानले गैरकानूनी भन्दै त्यसको प्रतिकार गर्ने दृढता व्यक्त गरेको छ।
अमेरिकाले नाकाबन्दी लगाए खाडी राष्ट्रका बन्दरगाहहरूमा आक्रमण गर्ने इरानले धम्की दिएको भनेर ब्लुमबर्गले लेखेको छ।
अमेरिका र इसराइलले फेब्रुअरी २८ मा इरानमाथि संयुक्त आक्रमण गरेका थिए।
केही दिनअघि अमेरिका र इरानबीच दुई हप्ते युद्धविराम भएको थियो। युद्धको स्थायी अन्त्य गर्न अमेरिका र इरानबीच पाकिस्तानमा शनिबार भएको वार्ता निष्कर्षविहीन भएको छ।
शनिबार दिउँसोदेखि आइतबार बिहान ५ बजेसम्म चलेको वार्ता निष्कर्षविहीन भएको अमेरिकी उपराष्ट्रपति जेडी भान्सले बताएका छन्।
अमेरिकी वार्ता टोलीको नेतृत्व गरेका भान्सले इरानले अमेरिकी प्रस्ताव अस्वीकार गरेको पनि जनाएका छन्।
'उनीहरू हाम्रो सर्त मान्न तयार देखिएनन्,' उपराष्ट्रपति भान्सले भने।
वार्ताका सर्तहरू तत्काल सार्वजनिक नगरिने पनि भान्सले बताएका छन्।
'तर तेहरानले परमाणु हतियार र त्यसका लागि आवश्यक हतियार विकास गर्दैन भन्ने हामीलाई इरानबाट स्पष्ट र ठोस प्रतिबद्धता चाहिन्छ,' उनले भने।
अर्कोतर्फ इरानले पनि अमेरिकाले ज्यादै कडा र अव्यावहारिक माग राखेको दाबी गरेको छ।
३० चैत, काठमाडौं । प्रधानमन्त्री बालेन्द्र शाह (बालेन) ले सोमबार बाग्मती प्रदेशका सांसदहरूसँग विशेष छलफल गर्नुभएको छ ।
प्रधानमन्त्री तथा मन्त्रिपरिषद्को कार्यालयमा आयोजित यस बैठकमा प्रदेशका क्षेत्रगत समस्या, विकासका आयोजना र जनताका प्रत्यक्ष सरोकारका विषयमा केन्द्रित रहेर संवाद भएको प्रधानमन्त्रीको सचिवालयले जानकारी दिएको छ ।
स्थानीय तहको अनुभवसहित मुलुकको कार्यकारी प्रमुखको जिम्मेवारी सम्हाल्नुभएका शाहले प्रदेश स्तरका समस्यालाई नजिकबाट बुझ्न र समाधानका उपाय पहिल्याउनका लागि यो संवादको शृङ्खला अघि बढाउनुभएको हो ।
यसअघि पनि प्रधानमन्त्रीले कर्णाली, सुदूरपश्चिम, कोसी, गण्डकी र मधेस प्रदेशका सांसदहरूसँग छुट्टाछुट्टै छलफल गरिसक्नुभएको छ । सबै प्रदेशका जनप्रतिनिधिहरूसँग प्रत्यक्ष साक्षात्कार गर्दै उनीहरूको सुझावका आधारमा आगामी नीति तथा कार्यक्रम र बजेटमा सम्बोधन गर्ने उहाँको लक्ष्य रहेको बुझिएको छ ।
संघीयताको प्रभावकारी कार्यान्वयन र केन्द्र तथा प्रदेशबीचको समन्वयलाई थप मजबुत बनाउनका लागि प्रधानमन्त्रीको यो सक्रियतालाई राजनीतिक वृत्तमा महत्त्वका साथ हेरिएको छ ।
३० चैत, काठमाडौं । प्रतिनिधिसभाको नवनिर्वाचित उपसभामुख रुवीकुमारी ठाकुरले सोमबारदेखि आफ्नो कार्यभार औपचारिक रूपमा सम्हाल्नुभएको छ ।
गत चैत २७ गतेको प्रतिनिधिसभा बैठकबाट उपसभामुख पदमा निर्वाचित ठाकुरले सिंहदरबारस्थित उपसभामुखको कार्यालय पुगेर पदबहाली गर्नुभएको हो । पदभार ग्रहणलगत्तै उहाँले संसदीय प्रक्रियालाई थप व्यवस्थित र समावेशी बनाउन आफ्नो तर्फबाट अधिकतम प्रयास रहने प्रतिबद्धता समेत व्यक्त गर्नुभएको छ ।
कार्यभार सम्हालेकै दिन उपसभामुख ठाकुरले सभामुख डोलप्रसाद (डीपी) अर्यालसँग उहाँकै कार्यकक्षमा पुगेर पहिलो औपचारिक भेटवार्ता गर्नुभएको छ । भेटका क्रममा सभामुख अर्यालले ठाकुरलाई नयाँ जिम्मेवारीका लागि बधाई ज्ञापन गर्दै सफल कार्यकालको शुभकामना दिनुभयो ।
सभामुखको सचिवालयका अनुसार सो अवसरमा दुई पदाधिकारीबीच आगामी संसदीय कामकारबाही, सदनको प्रभावकारिता र समन्वयका विषयमा प्रारम्भिक छलफल समेत भएको थियो । मधेस प्रदेशबाट उदाउँदो राजनीतिक पहिचान बनाएकी ठाकुरको उपस्थितिले संसद्को गरिमा र महिला नेतृत्वलाई थप बल पुग्ने अपेक्षा गरिएको छ ।
- लिचीबारी जग्गा प्रकरण: पूर्वमन्त्रीद्वय गुप्ता र श्रेष्ठ विरुद्धको मुद्दामा साक्षी बुझ्ने आदेश
- २०८२ मा सुनको कीर्तिमानी छलाङः एकै वर्षमा १ लाख १० हजारले बढ्यो मूल्य
- १४ मन्त्रालयलाई ८ मा झारेर मात्रै बजेटको सिलिङ तोक्ने बागमती सरकारको तयारी
- सम्पत्तिबारे शंका गरिएपछि गृहमन्त्रीले भने : गरिब जन्मिनु गल्ती होइन, गरिब नै भएर मर्नुचाहिँ गल्ती हो
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३