तेहरान- इरानले अमेरिकामाथि युद्धविरामसम्बन्धी तीनवटा महत्वपूर्ण सर्त उल्लंघन गरेको आरोप लगाएको छ। इरानले अब अमेरिकासँग वार्ताको कुनै अर्थ नरहेको पनि जनाएको छ।
इरानी संसदका सभामुख मोहम्मद बघेर गालिबाफले अमेरिकामाथिको अविश्वास उसको बारम्बार प्रतिबद्धता तोड्ने व्यवहारका कारण भएको बताए। उनका अनुसार यसपटक पनि उही प्रवृत्ति दोहोरिएको छ।
उनले अमेरिकी राष्ट्रपति डोनाल्ड ट्रम्पले इरानको १० बुँदे प्रस्तावलाई वार्ताको आधार मानेको भए पनि औपचारिक संवाद सुरू हुनुअघि नै त्यसका सर्तहरू उल्लंघन गरिएको दाबी गरे।
गालिबाफका अनुसार पहिलो सर्त लेबनानमा युद्धविराम लागू गर्ने थियो, तर लेबनानमा इरजरायलका भीषण आक्रमण जारी छन्। उनले पाकिस्तानी प्रधानमन्त्री शेहबाज शरीफले लेबनानसहित सबै स्थानमा तत्काल युद्धविरामको आह्वान गरेको प्रसंग पनि उल्लेख गरे।
नुसार इरानको हवाई क्षेत्रमा अतिक्रमण नगर्ने सहमति भएको थियो। तर फार्स प्रान्तको लार क्षेत्रमा एक ड्रोन प्रवेश गरेपछि त्यसलाई खसालिएको गालिबाफले बताएका छन्।
तेस्रो सर्तमा इरानको युरेनियम समृद्धीकरणको अधिकार स्वीकार गरिने उल्लेख भए पनि अहिले अमेरिका त्यसबाट पछि हटेको आरोप उनले लगाए। ‘वार्ताको आधार नै भत्किएको अवस्थामा अब संवाद गर्नु तर्कसंगत छैन,’ उनले भने।
लेबनानमा आक्रमण, युद्धविराम अस्वीकार्य : इरान
यसैबीच इरानले लेबनानमा आक्रमण जारी रहँदा युद्धविरामको कुरा स्वीकार्य नहुने स्पष्ट पारेको छ। इरानका उपविदेशमन्त्री साइद खतिब्जादेहले यदि युद्धविराममा लेबनान समावेश छ भने त्यहाँ इजरायली आक्रमण रोकिनु पर्ने बताए।
उनले इजरायलले लेबनानमा व्यापक हिंसा गरिरहेको आरोप लगाउँदै यसलाई ‘नरसंहार’को संज्ञा दिएका छन् । उनलले यो युद्धविरामको मर्म विपरीत भएको बताएका छन्।
तर इजरायलले भने आफूले लेबनानमा हेजबुल्लाहलाई लक्षित गरी कारबाही गरिरहेको दाबी गर्दै आएको छ।
प्रकाशित मिति : २६ चैत्र २०८२, बिहीबार १२ : ५६ बजे
२६ चैत, काठमाडौं । इजरायलले लेबनानमा बुधबार गरेको आक्रमणको संयुक्त राष्ट्रसंघले निन्दा गरेको छ ।
लेबननस्थित संयुक्त राष्ट्रसंघका शीर्ष मानवीय सहायता अधिकारी इमरान रिजाले इजरायली आक्रमणको निन्दा गर्दै युद्ध यथाशीघ्र रोक्न अपिल गरेका छन् । साथै, उनले मानवीय सहायता अभियानका लागि थप आर्थिक सहयोग उपलब्ध गराउन अन्तर्राष्ट्रिय समुदायसँग अपिल गरेका उनका अनुसार बेरुत, दक्षिणी लेबनन लगायतका क्षेत्रमा तीन घण्टासम्म लगातार विस्फोट र एम्बुलेन्सका साइरन सुनिएका थिए ।
संयुक्त राष्ट्रसंघका अधिकारीका अनुसार नयाँ हवाई आक्रमण सुरु हुनुअघि नै बुधबार बिहान एउटा क्याफेमा भएको आक्रमणमा कम्तीमा ८ जनाको मृत्यु भएको थियो भने १२ भन्दा बढी विस्फोटका आवाज सुनिएका थिए ।त्यसपछि दिउँसो इजरायली सेनाले १० मिनेटभित्र १०० भन्दा बढी हवाई आक्रमण गरेको थियो । ‘यो अत्यन्त नाटकीय थियो । आक्रमणको स्तर अत्यन्त भयावह थियो,’ रिजाले भनेका छन्, ‘हालसम्म हताहतको यकिन तथ्यांक प्राप्त नभए पनि सयौँ मानिस मारिएको वा घाइते भएको आशंका गरिएको छ । अस्पतालहरूमा अत्यधिक दबाब छ, र देशभर रगत दानका लागि ठूलो अपिल गरिएको छ ।’
समाचार एजेन्सी रोयर्टसका अनुसार इजरायलले लेबनानमा बुधबार गरेको आक्रमणमा २५० भन्दा बढीको मृत्यु भएको छ ।
संयुक्त राष्ट्रसंघले इजरायल र हेजबुल्लाहलाई अन्तर्राष्ट्रिय कानुनको सम्मान गर्न र तत्काल अवरोधविहीन मानवीय सहायता मार्ग पुन:स्थापित गर्न आह्वान गरेको छ ।
ठूलो मानवीय संकट
संयुक्त राष्ट्रसंघका अनुसार २ मार्चदेखि इजरायली सेना र हेजबुल्लाहबीच लडाइँ सुरु भएयता हालसम्म १ हजार ५०० जनाको ज्यान गएको छ, जसमा १३० बालबालिका रहेका छन् । ४६१ बालबालिका घाइते भएका छन् ।
हवाई आक्रमण र घर छोड्न इजरायलले दिएको निर्देशनका कारण हालसम्म करिब १२ लाख मानिस विस्थापित भएका छन्, जुन कुल जनसंख्याको करिब २० प्रतिशत हो ।
करिब १ लाख ३८ हजार मानिसले ६७८ वटा सामूहिक आश्रयस्थलमा शरण लिएका छन्, जसको धेरैजसो व्यवस्था विद्यालयहरूमा गरिएको छ । अन्य धेरै मानिसहरू समुदायमा अनौपचारिक रूपमा बसोबास गरिरहेका छन्, जहाँ आधारभूत सेवाको अभाव छ ।
तनाव अन्त्यको अपिल
संयुक्त राष्ट्रसंघका शीर्ष मानवीय सहायता समन्वयक इमरान रिजाले सर्वसाधारणमाथि हिंसाको गम्भीर प्रभाव परेको भन्दै तत्काल तनाव र टकराव अन्त्य गर्नुपर्ने बताएका छन् ।
उनले भने, ‘यो समय बाँकी रहेका मुद्दामा वार्ता गर्ने, मतभेद समाधान गर्ने, स्थायी युद्धविरामतर्फ अघि बढ्ने र हिंसात्मक द्वन्द्वको दीर्घकालीन समाधान खोज्ने हो ।’
उनले अन्तर्राष्ट्रिय मानवीय कानुनको पूर्ण सम्मान गर्न, सर्वसाधारण, नागरिक संरचना र स्वास्थ्यकर्मीको सुरक्षा सुनिश्चित गर्न, तथा मानवीय सहायता मार्ग खुला राख्नुपर्नेमा जोड दिएका छन् ।
व्यवसायी दिपक भट्टको सेयर कारोबार गरेको ब्रोकर भृकुटी स्टक ब्रोकिङ कम्पनीको अनुमतिपत्र नेपाल धितोपत्र बोर्डले निलम्बन गरेको छ।
ब्रोकर नम्बर ५५ रहेको भृकुटी स्टक ब्रोकिङ कम्पनीमार्फत् भट्टले सेयर खरिद गरेका थिए।
भट्टले सेयर कारोबारका लागि आफ्नो सिद्धार्थ बैंकको खाता प्रयोग नगरी अन्यत्रबाट सेयर कारोबारको भुक्तानी भएको पाइएको थियो।
भट्टले खरिद गरेको सेयर भुक्तानीका लागि हिमालयन रि इन्स्योरेन्सबाट दुई अर्ब ७३ करोड, यसैको सहायक कम्पनी हिमालयन सेक्युरिटिज बैंकरबाट २२ करोड १९ लाख रूपैयाँ, नेपाल माइक्रो इन्स्योरेन्सको १६ करोड १७ लाख रूपैयाँ प्रयोग भएको थियो।
नेपाल लाइफ इन्स्योरेन्सको सहायक कम्पनीको ३७ करोड र एचएलआइ लार्ज क्याप फण्डको २५ करोड १४ लाख सहित कुल तीन अर्ब ८१ करोड रूपैयाँ भुक्तानी भएको हो।
यो ब्रोकर कम्पनीले ग्राहकहरूको सेयर खरिद–बिक्री तथा धितो बापतको रकम अन्य ग्राहकको कारोबार मिलाउन प्रयोग गरेको, आवश्यक कानुनी व्यवस्था पालना नगरेको तथा अग्रिम कम्तीमा २५ प्रतिशत रकम नलिई सेयर खरिद सुविधा दिएको पाइएको थियो।
कम्पनीले खरिदकर्ताबाट रकम नलिई सेयर हितग्राही खातामा जम्मा गरिदिने र बिक्रीकर्तालाई समयमै रकम नदिने जस्ता कार्य गरेको पनि बोर्डले उल्लेख गरेको छ।
चैत १२ गतेसम्म कम्पनीले लगानीकर्तालाई दिनुपर्ने दायित्व रकम करिब ५ अर्ब ११ करोड रूपैयाँभन्दा बढी रहेको देखिएको छ।
यस्ता गतिविधिले सेयर मूल्यमा असर पार्ने र पुँजी बजारमा नकारात्मक प्रभाव पर्ने भन्दै बोर्डले धितोपत्र सम्बन्धी ऐन, २०६३ अनुसार कम्पनीको अनुमतिपत्र तत्काल निलम्बन गरेको हो।बोर्डले निलम्बन अवधिमा कम्पनीलाई कानुनी व्यवस्था अनुसार लगानीकर्ताको बक्यौता रकम फर्छ्यौट गर्न निर्देशन दिएको छ।
साथै, उक्त कम्पनीमार्फत कारोबार गरिरहेका लगानीकर्तालाई आवश्यक परे अन्य दलालमार्फत कारोबार गर्न सक्ने व्यवस्था मिलाइने पनि जनाइएको छ।
व्यवसायी दिपक भट्ट सम्पत्ति शुद्धीकरण कसुरमा पक्राउ परेका छन्। जिल्ला अदालत काठमाडौंले उनलाई १० दिन हिरासतमा राख्न अनुमति दिएको छ।
उनले गैरकानुनी रूपमा आर्जन गरेको रकमको स्रोत लुकाउने, छल्ने, स्वरूप बदलेर सम्पत्ति शुद्धीकरण गरेको आरोप छ।
बिरगंज । मधेश प्रदेश नेत्रहीन क्रिकेट संघको आयोजनामा दृष्टि सम्बन्धी अपांगता भएका खेलाडीहरूका लागि सञ्चालन गरिएको ५ दिने क्रिकेट प्रशिक्षण कार्यक्रम भव्य रूपमा सम्पन्न भएको छ। राउन्ड टेबल नेपाल (BFRT 8) को सहयोगमा बिरगंज–५ स्थित मुनलाइट स्कुलमा आयोजित उक्त कार्यक्रममा देशका १२ जिल्लाबाट २४ जना खेलाडीहरूको सहभागिता रहेको थियो।
लायन्स क्लब अफ बिरगंज सेसमीकी अध्यक्ष पिया सिंहले दृष्टिविहीन खेलाडीहरूको आत्मबल र मेहनतबाट सबैले प्रेरणा लिनुपर्ने बताइन्।
प्रशिक्षण अवधिमा सहभागी खेलाडीहरूलाई दुई टिम सगरमाथा र कञ्चनजंघामा विभाजन गरी प्रतिस्पर्धा गराइएको थियो। फाइनल खेलमा सगरमाथा टिमले १० ओभरमा १५० रन बनाउँदै कञ्चनजंघा टिमलाई १२ रनले पराजित गरेको थियो। खेलमा मिथलेश पण्डित ‘म्यान अफ द म्याच’ घोषित भएका थिए।
कार्यक्रमबाट उत्कृष्ट १४ खेलाडी छनोट गरिएका छन्, जसले आगामी वैशाख ५ देखि ८ गतेसम्म चितवनमा हुने राष्ट्रिय प्रतियोगितामा सहभागिता जनाउने छन्।
कार्यक्रमका अध्यक्ष रुपशिला जैसवालले दृष्टिविहीन खेलाडीहरूको क्षमता अभिवृद्धि गरी उनीहरूलाई राष्ट्रिय तथा अन्तर्राष्ट्रिय स्तरमा पुर्याउने लक्ष्यसहित कार्यक्रम आयोजना गरिएको बताइन्। उनले कार्यक्रम सफल बनाउन सहयोग गर्ने सबै संस्था तथा व्यक्तिप्रति आभार व्यक्त गरिन्।
वीरगंज, २६ चैत –
पूर्वप्रधानमन्त्री शेरबहादुर देउवाले आफू र आफ्नो परिवारलाई लक्षित गरी सम्पत्तिसम्बन्धी विषयमा झुटो र भ्रामक प्रचार भइरहेको बताएका छन्।
सम्पत्ति शुद्धीकरणसम्बन्धी अनुसन्धानका सन्दर्भमा पक्राउ पुर्जी जारी भएको खबरपछि सामाजिक सञ्जालमार्फत प्रतिक्रिया दिँदै देउवाले कानुनअनुसार आफूले सम्पत्तिको विवरण सम्बन्धित निकायमा पेश गरिसकेको उल्लेख गरेका छन्।
उनले लोकतन्त्र, विधिको शासन र पारदर्शिताका लागि आफूले लामो समयदेखि संघर्ष गरेको स्मरण गराउँदै आफ्नो सार्वजनिक जीवन पारदर्शी रहेको दाबी गरेका छन्। साथै, भ्रष्टाचार नियन्त्रणका लागि कानुनी व्यवस्था निर्माणमा पनि आफ्नो भूमिका रहेको बताएका छन्।
देउवाले फैलाइएका सूचनामा अतिरञ्जना भएको दाबी गर्दै यस्ता विवरणबाट भ्रममा नपर्न सबैलाई आग्रह गरेका छन्।
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३