रौतहट । रौतहटमा लाल बकैया नदीमा नुहाउने तथा पौडी खेल्ने क्रममा डुबेर बेपत्ता भएका तीन बालबालिकामध्ये दुईजनाको शव बुधबार बिहान फेला परेको छ । एक बालिका भने अझै बेपत्ता छिन् ।
रौतहटको देवाही गोनाही नगरपालिका–२ लक्षमिनिया टोलमा मंगलबार दिउँसो नदीमा नुहाउने तथा पौडी खेल्ने क्रममा तीन बालबालिका डुबेर बेपत्ता भएका थिए ।
घटनास्थलबाट करिब डेढ किलोमिटर तल जिङडिया पुलनजिक बुधबार बिहान करिब साढे ६ बजे दुई बालबालिकाको शव फेला परेको हो ।
इलाका प्रहरी कार्यालय देवाही गोनाहीका प्रमुख प्रहरी निरीक्षक तेजप्रसाद भट्टराईका अनुसार फेला परेको शव स्थानीय शेख कमरे आलमका करिब १० वर्षीय छोरा मो. रमतुल्लाह र शेख ओसि अख्तरकी करिब १० वर्षीया छोरी सवनम खातुनको हो ।
उनीहरूसँगै नदीमा डुबेकी शेख खुर्सैदकी करिब १० वर्षीया छोरी रौशन खातुन भने अझै बेपत्ता छिन् । उनको खोजीका लागि नेपाल प्रहरी र सशस्त्र प्रहरीको संयुक्त टोलीले नदीको विभिन्न क्षेत्रमा खोजी अभियान जारी राखेको छ ।
घटनालगत्तै इलाका प्रहरी कार्यालय देवाही गोनाहीबाट प्रहरी निरीक्षक भट्टराईको कमाण्डमा ९ जना प्रहरी परिचालन गरिएको थियो । त्यस्तै, सशस्त्र प्रहरी बल नेपाल सुरक्षा बेस देवाहीबाट असई भक्तबहादुर शाहीको नेतृत्वमा ७ जनाको टोली खोजी तथा उद्धारमा खटिएको थियो ।
बेपत्ता बालिकाको खोजीलाई थप प्रभावकारी बनाउन सशस्त्र प्रहरी बल नेपाल नं. ११ गण हेडक्वार्टर रौतहटबाट असई भीमबहादुर पुनको कमाण्डमा ९ सदस्यीय डुबान उद्धार (डीएम) टोली रबर बोर्डसहित घटनास्थलमा पुगेको छ ।
जिल्ला प्रहरी कार्यालय रौतहटका प्रवक्ता डीएसपी बसन्त गौतमका अनुसार नेपाल प्रहरी र सशस्त्र प्रहरीको संयुक्त टोलीले रौशनको खोजीलाई तीव्र बनाएको छ ।
घटनास्थल इलाका प्रहरी कार्यालय देवाही गोनाहीबाट करिब ६ किलोमिटर दक्षिणतर्फ पर्छ ।
पछिल्लो समय लाल बकैया नदीमा पानीको बहाव बढेसँगै नदी आसपासका क्षेत्रमा जोखिमसमेत बढेको छ । बालबालिका नदी तथा खोलामा नुहाउन र पौडी खेल्न जाने क्रम बढ्ने भएकाले अभिभावकले विशेष सावधानी अपनाउनुपर्ने देखिएको छ ।
यस घटनाले नदी, खोला तथा अन्य जलाशयमा बालबालिकाको सुरक्षाका लागि स्थानीयस्तरमा निगरानी र सचेतना थप आवश्यक रहेको देखाएको छ ।
रौतहट, २५ साउन । रौतहटको फतुवा विजयपुर नगरपालिका–१०, दुधिअवा गाउँँनजिकै रहेको एक घरमा सोमवार बिहान विद्युत सर्ट भएर आगलागी हुँदा ९ वटा ग्याँस सिलिन्डर पड्किएका छन।
स्थानीयका अनुसार दुधिअवा गाउँँनजिकै दीपेन्द्र भक्त खरेलको घरमा इँटा उद्योगमा काम गर्ने मजदुरहरूको सुविधाका लागि राखिएको ग्याँस तथा अन्य सामग्री रहेको स्थानमा बिहान करिब ७ः१५ बजे विद्युत सर्ट भएर आगलागी भएको हो।
आगलागीपछि ग्याँस सिलिन्डर पड्किँदा आगो थप फैलिएको थियो। घटनामा घरमा रहेका घरायसी तथा अन्य सरसामान जलेर नष्ट भएको र करिब १८ लाख ५८ हजार रुपियाँँ बराबरको क्षति भएको प्रारम्भिक अनुमान गरिएको छ।
आगलागी नियन्त्रणका लागि स्थानीयवासीसँगै नेपाल प्रहरी, सशस्त्र प्रहरी र दमकल परिचालन गरिएको थियो। उनीहरूको सक्रियतामा आगो नियन्त्रणमा लिइएको इलाका प्रहरी कार्यालय विजयपुरका प्रहरी निरीक्षक राजेश खत्रीले जानकारी दिनुभयो।
घटनामा मानवीय क्षति भएरनभएकोवारे थप विवरण आउन बाँकी रहेको छ। प्रहरीले आगलागीबाट भएको क्षतिको थप विवरण सङ्कलन गरिरहेको जनाएको छ।
सर्लाही , साउन २६ —
सर्लाही प्रहरीले मानव स्वास्थ्यमा प्रतिकूल असर पार्ने तथा ध्वनि प्रदूषण हुने गरी डीजे बजाएको आरोपमा डीजेसहितको गाडी र दुई जनालाई नियन्त्रणमा लिएको छ।
नेपाल सरकार मन्त्रिपरिषद्को निर्णय, जिल्ला प्रशासन कार्यालय सर्लाहीसँगको सहमति तथा जिल्ला सुरक्षा समितिको निर्णयविपरीत डीजे बजाइएको सूचनाका आधारमा प्रहरीले उनीहरूलाई नियन्त्रणमा लिएको जनाएको छ।
जिल्ला प्रहरी कार्यालय सर्लाहीका अनुसार हरिपुर नगरपालिका–१ का ५५ वर्षीय जागेश्वर पण्डित र बागमती नगरपालिका–४ का २३ वर्षीय जगन्नाथ साहलाई डीजे जडान गरिएको गाडीसहित नियन्त्रणमा लिइएको हो। उनीहरूसँगै डीजेमा प्रयोग हुने विभिन्न साउन्ड सिस्टम तथा उपकरणसमेत बरामद गरिएको प्रहरीले जनाएको छ।
सर्लाही जिल्ला मलंगवा नगरपालिका–९ गोरखकालीबाट नियन्त्रणमा लिइएका उनीहरू र गाडीका विषयमा थप अनुसन्धान भइरहेको जिल्ला प्रहरी कार्यालय सर्लाहीका प्रहरी नायब उपरीक्षक तथा प्रहरी प्रवक्ता वेदप्रसाद गौतमले जानकारी दिएका छन्।
प्रहरीले मानव स्वास्थ्यमा प्रतिकूल असर पार्ने तथा ध्वनि प्रदूषण गर्ने गरी डीजे नबजाउन सम्बन्धित सबैलाई आग्रह गर्दै अन्यथा कानुनबमोजिम कारबाही गरिने चेतावनी दिएको छ।
वीरगन्ज,२६साउन:पर्साको पटेर्वा सुगौली गाउँपालिका–३ सोनबर्साबाट लागू ओैषध गाँजासहित एक भारतीय नागरिक पक्राउ परेका छन् ।पक्राउ पर्नेमा भारतकाे बिहार राज्यकाे बेतिया जिल्लाकाे उजहरुपरजिलवा भागा श्रीनगर–३ का ५० वर्षीय सउरु चौधरीलाई रहेका छन्।
सोमबार राति करिब ९ बजेको समयमा इलाका प्रहरी कार्यालय पटेर्वा सुगौली र इलाका प्रहरी कार्यालय ठोरीबाट खटिएको प्रहरीकाे संयुक्त टोलीले चौधरीलाई १०५ केजी गाँजासहित पक्राउ गरेको हो ।
गाँजासहित पक्राउ गरिएका चौधरीलाई प्रहरी हिरासतमा राखेर थप अनुसन्धान भइरहेको जिल्ला प्रहरी कार्यालय पर्साले जनाएको छ ।
वीरगंज , साउन २६ —
वीरगन्ज महानगरपालिका–१० आदर्शनगरबाट प्रहरीले स्रोत नखुलेको ५२ लाख ५० हजार रुपैयाँ नगदसहित चार जनालाई पक्राउ गरेको छ।
गोप्य सूचनाका आधारमा खटिएको प्रहरी टोलीले सोमबार साँझ करिब ६ः३० बजे आदर्शनगरमा प्रदेश २–०३–००३ प ७२१५ नम्बरको कालो सुपर स्प्लेन्डर र ना.५७ प ५१८२ नम्बरको निलो एफजेड मोटरसाइकल रोकेर जाँच गर्दा उक्त रकम बरामद गरेको हो।
पक्राउ पर्नेमा भारत बिहारको सीतामढी जिल्लाको डुमरा थाना–६ का २६ वर्षीय सुरज कर्ण, बाराको प्रसौनी गाउँपालिका–१ का ३२ वर्षीय उपेन्द्र साह र २६ वर्षीय सागरकुमार सर्राफ तथा पर्साको विन्दवासिनी गाउँपालिका–१ झौवागुठीका २५ वर्षीय राहुलकुमार गुप्ता रहेका छन्।
प्रहरीका अनुसार सुरज कर्णको साथबाट १ लाख, उपेन्द्र साहको साथबाट १८ लाख १६ हजार, सागरकुमार सर्राफको साथबाट १८ लाख ३४ हजार र राहुलकुमार गुप्ताको साथबाट १६ लाख रुपैयाँ बरामद भएको हो।
बरामद रकममा १ हजार दरका ४० लाख ५ हजार, ५ सय दरका ११ लाख ७६ हजार ५ सय, १ सय दरका ६४ हजार ३ सय र ५० दरका ४ हजार २ सय रुपैयाँका नोट रहेका छन्।
बरामद नगद र दुवै मोटरसाइकलसहित चारै जनालाई नियन्त्रणमा लिएर आवश्यक अनुसन्धान तथा कारबाही अघि बढाइएको जिल्ला प्रहरी कार्यालय पर्साले जनाएको छ।
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३