बाराको प्रहरी चौकी पथलैयाका ईन्चार्ज एवम प्रहरी बरिस्ठ नायब निरीक्षक युवराज दाहाल को घुमवाले असुली धन्दाकोे कारण ब्यापारीहरुले आतंक मच्चाएको गुनोसा सङ्गै स्थानीय स्तरबाट आरोप उठन थालेको छ।

प्रहरी चौकी पथलैयाका ईन्चार्जा बरिस्ठ सई दाहाल ले गाडीमा लोड रहेको तस्करी सामान देखि भारतीय गाडी सम्मको पैसा असुली गर्न आफ्नो विश्वासकोे पात्र रहेको विवादित घुमवा रमेश हमाल लाई आर्थिक रकम असुलीमा प्रयोग गरिराखेका छन्।

सई दाहाल ले आफु र सङ्गै घुमुवा राखी भारतका विभिन्न नाकाबाट हुने तस्करीका सामानहरूलाई पथलैयामा रोकी नियन्त्रणमा लिई कारोबारीलाई कार्यालयमा नै बोलाई बार्गेनिङ गरि छोड्ने गरेको नाम नछाप्रने सर्तमा एक व्यापारीले बताएका छन्।

बरिस्ठ सई दाहाल ले मधेस प्रदेसका पर्साको वीरगञ्ज, बाराको कलैया, रौतहटको गौर, सर्लाहीको मलागंवा, मोहोतरीको बर्दिबास,धनुषाको जनकपुर, सिरहाको गोलबजार सप्तरीको राजविराजको व्यापारीहरु संग तस्करीको सामानको रकम बुझि रात्रिकालीन बस, ईभि र सुमो मा आउने तस्करीका सामानहरू पथलैयामा कुनै पनि किसिमको चेकजाँचविना नै डियुटी खर्च दिई पास हुने गरेको प्रत्यक्ष नै देख्न सकिन्छ।

बरिस्ठ सई भारतको रक्सौल र नेपालको मुख्य आर्थिक नगरी वीरगञ्जमा बसेर तस्करीका सामान ढुवानी गर्ने ट्रान्सपोर्ट सेवाका मालिकहरूसँग मोटो रकम लिई आफ्नो पथलैया सीमा पार गराउने गरेको खुलेको छ। ट्रान्सपोर्ट व्यवसायीहरूको भनाइ अनुसार प्रत्येक सवारी साधन र कम्पनीबाट मासिक १० हजारदेखि २० हजार रुपैयाँसम्म रकम उठाइने गरिएको छ। 

यसले व्यवसायको लागत बढाउनुका साथै साना व्यवसायीहरूलाई थप मारमा पारेको उनीहरूको गुनासो छ। जिल्ला प्रहरी कार्यालय बाराका प्रहरी प्रमुख एवम सम्बन्धित निकायको यस बिषयमा ध्यान जान यति आवशयक देखिएको छ।

४ जेठ,वीरगञ्ज । पर्साको ग्रामीण क्षेत्रमा लागूऔषध नियन्त्रण अभियानलाई तीव्र बनाउँदै आएको सशस्त्र प्रहरी बल नेपालले ठूलो परिमाणमा गाँजा बरामद गरेको छ।

जिल्लाको छिपहरमाई गाउँपालिका–४ तुलसी बर्वास्थित ओरिया खोलाको किनारमा रहेको खेतबाट लुकाइछिपाइ राखिएको अवस्थामा ८७ किलो गाँजा बरामद गरिएको सशस्त्र प्रहरीले जनाएको छ।

प्रहरीका अनुसार खेतमा गहुँको भुसले छोपी राखिएको अवस्थामा उक्त लागूऔषध फेला परेको हो। सशस्त्र प्रहरी बल नेपाल बोर्डर आउट पोस्ट (बिओपी) भिस्वाबाट सशस्त्र प्रहरी निरीक्षक अर्जुन दाहालको कमान्डमा खटिएको गस्ती टोलीले आइतबार राति करिब १० बजे विशेष सूचनाको आधारमा सर्च अभियान सञ्चालन गरेको थियो।

सर्च अभियानका क्रममा खेतभित्र शंकास्पद रूपमा लुकाइ राखिएको गाँजा बरामद गरिएको प्रहरीले जनाएको छ। बरामद गाँजा आवश्यक कानुनी प्रक्रिया तथा थप अनुसन्धानका लागि नेपाल प्रहरीलाई बुझाइएको छ।

घटनामा संलग्न व्यक्तिहरूको पहिचान तथा खोजी कार्य तीव्र रूपमा अघि बढाइएको प्रहरी स्रोतले जनाएको छ। लागूऔषध कारोबारमा संलग्न गिरोहको खोजीका लागि सीमावर्ती तथा ग्रामीण क्षेत्रमा निगरानीसमेत बढाइएको छ।

पछिल्लो समय पर्साका ग्रामीण बस्ती तथा सीमावर्ती क्षेत्रमा लागूऔषध कारोबारको सञ्जाल फैलिन थालेपछि सशस्त्र प्रहरीले चेकजाँच र निगरानीलाई कडा बनाएको जनाएको छ। विशेषगरी भारतसँग जोडिएका नाका तथा खोलानालाको प्रयोग गरी लागूऔषध ओसारपसार हुने सूचनाका आधारमा सर्च अभियान प्रभावकारी बनाइएको बताइएको छ।

सशस्त्र प्रहरी बल पर्साका प्रमुख एसपी मोहनबहादुर क्षेत्रीले लागूऔषध नियन्त्रण अभियानलाई प्राथमिकतामा राख्दै सीमावर्ती क्षेत्रदेखि ग्रामीण बस्तीसम्म विशेष अपरेशन सञ्चालन भइरहेको बताएका छन्। उनका अनुसार पछिल्लो समय लागूऔषध, तस्करी तथा अन्य अवैध गतिविधिविरुद्ध निरन्तर कारबाही हुँदै आएको छ।

सुरक्षा निकायका अनुसार पर्सामा शहरी क्षेत्रसँगै ग्रामीण क्षेत्रमा समेत लागूऔषध कारोबारको जालो फैलाउने प्रयास भइरहेकाले त्यसलाई नियन्त्रण गर्न संयुक्त निगरानी बढाइएको छ। सशस्त्र प्रहरीको सक्रियतापछि पछिल्ला दिनमा ठूलो परिमाणमा लागूऔषध बरामद हुने क्रमसमेत बढेको देखिएको छ।

स्थानीयवासीले पनि ग्रामीण क्षेत्रमा सशस्त्र प्रहरीको सक्रियता बढेसँगै अवैध गतिविधिमा कमी आउन थालेको बताएका छन्। प्रहरीले लागूऔषध नियन्त्रणमा समुदायको सहयोग आवश्यक रहेको उल्लेख गर्दै शंकास्पद गतिविधिबारे तत्काल सूचना दिन सर्वसाधारणसँग आग्रह गरेको छ।

वीरगंज, ०३ जेठ

नेपाल–भारत सीमाअन्तर्गत वीरगंज –रक्सौल मितेरीपुल नाकाबाट नेपाल हुँदै भारत प्रवेश गर्न खोजेका एक चिनियाँ नागरिक पक्राउ परेका छन्। भारतको बिहार राज्यस्थित रक्सौल प्रहरीले ती नागरिकलाई नियन्त्रणमा लिएर विस्तृत अनुसन्धान अघि बढाएको जनाएको छ।

पक्राउ पर्नेमा ५७ वर्षीय चिनियाँ नागरिक यहु सिजैङ रहेका छन्। भारतीय सञ्चारमाध्यमका अनुसार उनी शनिबार नेपालबाट भारततर्फ प्रवेश गर्ने क्रममा शंकास्पद गतिविधि देखिएपछि सुरक्षा जाँचका क्रममा पक्राउ परेका हुन्।

उनीमाथि अवैध रूपमा भारत प्रवेश गर्न खोजेको आशंका गरिएको छ। पक्राउपछि उनलाई रक्सौलको हरैया थाना लगिएको छ, जहाँ भारतीय सुरक्षा तथा अनुसन्धान निकायले सोधपुछ गरिरहेका छन्।

प्रहरी स्रोतका अनुसार पक्राउ परेका चिनियाँ नागरिकको यात्रा विवरण, नेपाल बसाइ, भारत प्रवेशको उद्देश्य तथा सम्भावित सम्पर्कबारे अनुसन्धान भइरहेको छ। घटनालाई संवेदनशील रूपमा हेर्दै भारतीय सुरक्षा निकायले विभिन्न पक्षबाट अनुसन्धान अगाडि बढाएको बताइएको छ।

सीमा क्षेत्रमा पछिल्लो समय सुरक्षा सतर्कता बढाइएका बेला विदेशी नागरिक पक्राउ परेपछि वीरगंज –रक्सौल नाकामा निगरानी थप कडा पारिएको छ। भारतीय सुरक्षा निकायले सीमा क्षेत्र हुँदै हुने आवतजावतमा विशेष निगरानी गरिरहेको जनाएको छ।

हालसम्म पक्राउ परेका चिनियाँ नागरिकको उद्देश्यबारे आधिकारिक विवरण सार्वजनिक गरिएको छैन भने अनुसन्धान जारी रहेको भारतीय सञ्चारमाध्यमहरूले उल्लेख गरेका छन्।

पर्सा २ सबैया

पर्सागढी नगरपालिका वडा नं. ४ सबैयामा रहेको सबैया साझेदारी वन उपभोक्ता समूहको तेस्रो बैठक आज अध्यक्ष लखन लाल साह कानुको अध्यक्षतामा सम्पन्न भएको छ। बैठकमा वन संरक्षण, व्यवस्थापन तथा अतिक्रमण नियन्त्रण लगायतका विषयमा महत्वपूर्ण निर्णयहरू गरिएको जनाइएको छ।

बैठकले सबैया साझेदारी वन अन्तर्गत अतिक्रमण गरी प्रयोग हुँदै आएको वन क्षेत्रको जग्गा खाली गराउने निर्णय गरेको छ। वन क्षेत्र संरक्षण गर्दै प्राकृतिक स्रोतको दिगो व्यवस्थापन गर्न आवश्यक कदम चाल्ने विषयमा पनि छलफल भएको बताइएको छ।

कार्यक्रममा सबैया सब डिभिजन कार्यालय का रेन्जर भुपाल रोकाय,उपाध्यक्ष असलम आलम सहित सदस्यहरू श्रवण प्रसाद साह,भैइया राम पटेल, नेसार अहमद, राजिव सरार्फ, सुरज कुर्मी, रिता देवी, राधिका लामा, शशि भुषण तिवारी लगायतको सहभागिता रहेको थियो। सहभागीहरूले वन अतिक्रमण नियन्त्रण, अवैध कटानी रोकथाम तथा उपभोक्ताको अधिकार संरक्षणका विषयमा आ–आफ्नो धारणा राखेका थिए।

साझेदारी वन उपभोक्ता समूहले वन संरक्षण, वृक्षारोपण, जैविक विविधताको संरक्षण, वन पैदावारको व्यवस्थापन तथा स्थानीय समुदायको सहभागितामार्फत वातावरणीय सन्तुलन कायम गर्ने जिम्मेवारी निर्वाह गर्दै आएको छ। त्यस्तै वन क्षेत्रभित्र हुने अवैध गतिविधि नियन्त्रण गर्नुका साथै वन उपभोक्ताको हितमा कार्यक्रम सञ्चालन गर्नु समूहको मुख्य कर्तव्य र अधिकारभित्र पर्दछ।

बैठकमा वन क्षेत्रलाई अतिक्रमणमुक्त बनाउने, समुदायको सक्रिय सहभागिता बढाउने तथा वन संरक्षण अभियानलाई थप प्रभावकारी बनाउने विषयमा जोड दिइएको थियो।