सिमराः बाराको कलैया उपमहानगरपालिका-४ स्थित अदालत रोडमा शनिबार राति दुई वटा मोटरसाइकल एकआपसमा ठोक्किँदा एक जनाको मृत्यु भएको छ भने दुई जना घाइते भएका छन् ।
कलैयाबाट गञ्जभवानीपुरतर्फ जाँदै गरेको म.प्र.०३–०४४ प ०१२३ नम्बरको मोटरसाइकल र विपरीत दिशाबाट आउँदै गरेको बीआर०५एभी ६१३६ नम्बरको भारतीय मोटरसाइकल एकआपसमा ठोक्किएर दुर्घटना भएको हो ।
दुर्घटनामा परी ६१३६ नम्बरको मोटरसाइकल चालक कलैया उपमहानगरपालिका-४ अदालत रोड बस्ने ३५ वर्षीय साहेब देवानको मृत्यु भएको प्रहरीले जनाएको छ । देवानलाई दुर्घटनालगत्तै उपचारका लागि परवानीपुरस्थित एल.एस. न्यूरो अस्पताल लगिएपनि चिकित्सकले मृत घोषणा गरेको बाराका प्रहरी प्रवक्ता एवम् प्रहरी नायब उपरीक्षक मिनबहादुर घलेले जानकारी दिएका छन् ।
बारा , २८ भदौ
प्रधानमन्त्री बालेन्द्र शाहले ठूला राष्ट्रिय पूर्वाधार आयोजना निर्माणमा निजी क्षेत्रलाई सहभागी गराउने गरी लगानीको वातावरण तयार गर्ने संकेत गरेसँगै बाराको बहुप्रतीक्षित निजगढ अन्तर्राष्ट्रिय विमानस्थल निर्माणले नयाँ बहस जन्माएको छ।
प्रधानमन्त्री शाहले उद्योगी तथा व्यवसायीहरूसँगको छलफलमा निजगढ अन्तर्राष्ट्रिय विमानस्थलजस्ता ठूला राष्ट्रिय आयोजना निजी क्षेत्रले संयुक्त रूपमा निर्माण गर्न सक्ने वा नसक्ने विषयमा चासो राखेका थिए। जवाफमा उद्योगी विनोद चौधरीले एउटै कम्पनीले मात्र यस्ता ठूला आयोजना निर्माण गर्न नसके पनि निजी क्षेत्रका कम्पनीहरू मिलेर कन्सोर्टियम बनाएर अघि बढ्न सक्ने बताएका थिए।
प्रधानमन्त्री शाहले मुलुकको अर्थतन्त्रलाई चलायमान बनाउन स्वदेशी पुँजीलाई पहिलो प्राथमिकतामा राख्दै त्यसपछि गैरआवासीय नेपालीको पुँजी र ठूलो परिमाणमा वैदेशिक लगानी आकर्षित गर्ने रणनीति अघि बढाउने बताएका छन्।
निजगढ विमानस्थल निर्माण अघि बढे त्यसको प्रत्यक्ष लाभ बारा मात्रै नभई समग्र मधेश प्रदेश र देशको अर्थतन्त्रमा पर्ने अपेक्षा गरिएको छ। विमानस्थलसँगै होटल, पर्यटन, यातायात, व्यापार, उद्योग तथा सेवा क्षेत्र विस्तार हुने र स्थानीय स्तरमा रोजगारीका अवसर बढ्ने सम्भावना छ।
बारामा लामो समयदेखि निजगढ अन्तर्राष्ट्रिय विमानस्थललाई जिल्लाको आर्थिक रूपान्तरणको आधारका रूपमा हेरिँदै आएको छ। विमानस्थल निर्माणले गति लिए निजगढदेखि पथलैया, जीतपुर–सिमरा हुँदै कलैयासम्मको आर्थिक गतिविधिसमेत थप विस्तार हुने स्थानीय व्यवसायीहरूको अपेक्षा छ।
त्यस्तै, विमानस्थललाई काठमाडौं–तराई जोड्ने द्रुतमार्ग, पूर्व–पश्चिम राजमार्ग तथा सम्भावित नयाँ सडक र रेल सञ्जालसँग प्रभावकारी रूपमा जोड्न सके बारा राष्ट्रिय तथा अन्तर्राष्ट्रिय व्यापारको महत्वपूर्ण केन्द्र बन्न सक्ने सम्भावना छ।
छलफलमा उद्योगी पवन गोल्यानले ठूला पूर्वाधार निर्माणमा निजी क्षेत्रलाई सहभागी गराउन ‘बिल्ड–ओन–अपरेट–ट्रान्सफर’ (BOOT) मोडल अपनाउनुपर्ने प्रस्ताव गरेका थिए। सरकारी परियोजनामा बजेट अभाव र प्रशासनिक ढिलाइ हुने गरेको भन्दै उनले ठूला आयोजना निजी क्षेत्रको सहभागितामा अघि बढाउनुपर्ने धारणा राखे।
प्रधानमन्त्री शाहले भने निजी क्षेत्रलाई कुन–कुन पूर्वाधार आयोजना व्यावहारिक रूपमा जिम्मा दिन सकिन्छ भन्ने विषयमा व्यवसायीसँग छलफल गरेका थिए।
व्यवसायीहरूले सरकारले निजी क्षेत्रको मनोबल बढाउने वातावरण बनाउनुपर्नेमा जोड दिएका छन्। विभिन्न सरकारी निकायबाट हुने अनुगमन तथा अनुसन्धानका कारण व्यवसायीको मनोबल कमजोर बनेको गुनासो आएपछि प्रधानमन्त्री शाहले वैध रूपमा सञ्चालन भइरहेका व्यवसायलाई त्रसित बनाउने सरकारको कुनै उद्देश्य नरहेको स्पष्ट पारे।
सरकारले आगामी दिनमा निजी क्षेत्रसँगको सहकार्यलाई थप प्रभावकारी बनाउँदै आर्थिक गतिविधि विस्तार, रोजगारी सिर्जना र लगानीमैत्री वातावरण निर्माणका लागि ठोस सुधारका कार्यक्रम अघि बढाउने जनाएको छ।
प्रधानमन्त्री र निजी क्षेत्रबीच भएको पछिल्लो संवादलाई बाराको दृष्टिले हेर्दा निजगढ अन्तर्राष्ट्रिय विमानस्थल निर्माणका लागि सरकार–निजी क्षेत्र सहकार्यको सम्भावना खुल्दै गएको संकेतका रूपमा हेरिएको छ। अबको चुनौती भनेको छलफल र प्रतिबद्धतालाई व्यवहारमा उतार्दै विमानस्थल निर्माणको कामलाई स्पष्ट मोडालिटीसहित अगाडि बढाउनु हो।
विमानस्थल निर्माणसँगै आवश्यक सडक, रेल, ऊर्जा, खानेपानी, सुरक्षा तथा औद्योगिक पूर्वाधारको विकासलाई समानान्तर रूपमा अघि बढाउन सके निजगढ मात्र होइन, सिंगो बारा जिल्लाको आर्थिक स्वरूप नै परिवर्तन हुन सक्ने सम्भावना रहेको छ।
काठमाडौँ/सुन जस्तो देखिने पहेंलो धातु देखाएर १ करोड ३९ लाख रुपैयाँभन्दा बढी ठगी गरेको आरोपमा प्रहरीले टोखाबाट एक जनालाई पक्राउ गरेको छ। जिल्ला प्रहरी परिसर काठमाडौँ र प्रहरी प्रभाग गोँगबुको टोलीले टोखा नगरपालिका–९ मिलनटोलस्थित एक गेस्ट हाउसबाट ओखलढुङ्गा सिद्धिचरण नगरपालिका–१ घर भई काठमाडौँ नयाँ बसपार्क बस्ने २८ वर्षीय अनिष थापा मगरलाई पक्राउ गरेको हो।
प्रहरीका अनुसार अभियुक्त थापा मगरले पीडितलाई पटक-पटक गरी कुल १ करोड ३९ लाख ३० हजार रुपैयाँ ठगी गरेका थिए। उनको साथबाट प्रहरीले नक्कली सुन जस्तो देखिने ८५६ ग्राम पहेंलो धातुसमेत बरामद गरेको छ। पक्राउ परेका उनीमाथि ठगी कसुरमा काठमाडौँ जिल्ला अदालतबाट पाँच दिनको म्याद थप गरी विस्तृत अनुसन्धान भइरहेको काठमाडौँ प्रहरीका प्रवक्ता प्रहरी उपरीक्षक दानबहादुर थापाले जानकारी दिए।
अनुसन्धानका क्रममा पक्राउ परेका थापा मगर यसअघि नै जबरजस्ती करणी कसुरमा कैद भुक्तान गरिरहेका फरार अपराधी रहेको खुलेको छ। उनी २०८२ भदौ २४ गते नखू कारागारबाट भागेका थिए। कारागारबाट फरार भएलगत्तै उनी पुनः काठमाडौँमै नक्कली सुनको प्रलोभन देखाएर ठगी धन्दामा सक्रिय भएको प्रहरीको प्रारम्भिक निष्कर्ष छ।
जनकपुरधाम,२७भदाै:जनता समाजवादी पार्टी नेपालका अध्यक्ष उपेन्द्र यादवले मधेश प्रदेश निर्माण भए पनि अब मधेस राज्य निर्माणका लागि संघर्ष गर्नुपर्ने बताएका छन् ।
जनकपुरमा ९ दलीय ‘अग्रगामी मोर्चा’ले आयोजना गरेकाेे मधेस प्रदेशस्तरीय भेला तथा अभिमुखीकरण कार्यक्रमलाई सम्बाेधन गर्दै यादवले
आफ्नै शासन–प्रशासन, कानुन र भाषाको अधिकार सुनिश्चित नभएसम्म मधेसी जनताले पूर्ण अधिकार प्राप्त गर्न नसक्ने उनको भनाइ थियो ।
विगतदेखि नै मधेसी जनताको भाषा, संस्कृति, रहनसहन र पहिचानमाथि विभेद हुँदै आएको तथा उनीहरूमाथि चरम शोषण र दोहन गरिएको आरोप यादवले लगाए । वर्तमान सरकारले पनि मधेसी जनतालाई मतदाता र करदाताका रूपमा मात्रै हेरेको उनको दाबी थियो । सीमाक्षेत्रमा विभिन्न किसिमका कर लगाएर जनतालाई थप बोझ पारिएको उनले बताए ।
अध्यक्ष यादवले वर्तमान सरकारलाई ‘कठपुतली सरकार’को संज्ञा दिँदै यसबाट धेरै आशा गर्न नहुने बताए । चुनावका बेला संघीयता बलियो बनाउने प्रतिबद्धता जनाएर वर्तमान प्रधानमन्त्री बालेन शाहले मधेसी जनताको मत लिएको, तर संविधान संशोधनको विषयमा सरकार पछि हटेको उनको आरोप थियो ।
नेपालको विद्यमान निर्वाचन प्रणाली भ्रष्टाचारको प्रमुख कारणमध्ये एक रहेको दाबी गर्दै यादवले निर्वाचन प्रणाली परिवर्तन गरी समानुपातिक निर्वाचन प्रणाली लागू गर्नुपर्नेमा जोड दिए ।
छठ पर्वपछि पनि मधेसी जनताले न्याय र अधिकार प्राप्त गर्न नसके मोर्चाले थप सशक्त आन्दोलन र संघर्ष अघि बढाउने उनले घोषणा गरे ।
जनमत पार्टीका राष्ट्रिय अध्यक्ष डा. सीके राउतले अधिकार प्राप्ति तथा प्राप्त उपलब्धिको संरक्षणका लागि अग्रगामी मोर्चा निर्माण गरिएको बताए । मोर्चालाई दीर्घकालीन रूपमा टिकाउन आबद्ध नेताहरू इमानदारीपूर्वक अघि बढ्नुपर्ने उनको भनाइ थियो ।
वर्तमान सरकारप्रति कटाक्ष गर्दै राउतले नेपाली जनतालाई विदेश जानबाट रोक्ने तथा विदेशमा रहेका नेपालीलाई स्वदेश फर्काउने प्रतिबद्धता जनाएको सरकारले दुईतिहाइको समर्थन पाएपछि झन् धेरै नेपालीलाई विदेश जानुपर्ने अवस्था सिर्जना गरेको आरोप लगाए । उनले वर्तमान सरकार पूर्ण रूपमा असफल भइसकेको दाबी गर्दै आफूहरू नेतृत्व लिन तयार रहेको बताए । स्रोत - madhesh khabar. Com
वीरगञ्ज । वीरगञ्जको बजार छप्कैया क्षेत्रमा खोलाको किनार हुँदै रातको समयमा निरन्तर तस्करी भइरहेको आरोप स्थानीयवासीले लगाएका छन्। पटक–पटक विवादमा आउने गरेको उक्त क्षेत्रमा तस्करी नियन्त्रण हुन नसकेको भन्दै स्थानीयले प्रहरी तथा प्रशासनको भूमिकामाथि प्रश्न उठाएका छन्।
स्थानीयका अनुसार रातको समयमा खोलाको किनार हुँदै विभिन्न सामान ओसारपसार हुने गरेको छ। यस विषयमा पटक–पटक समाचार सार्वजनिक भए पनि सम्बन्धित निकायबाट प्रभावकारी निगरानी तथा कारबाही हुन नसकेको उनीहरूको गुनासो छ।
तस्करी नियन्त्रणका लागि विभिन्न समयमा सरकारी तथा सुरक्षा निकायबाट अनुगमन र कारबाहीका प्रयास हुँदै आए पनि बजार छप्कैया क्षेत्रमा यस्तो गतिविधि पूर्ण रूपमा रोकिएको नदेखिएको स्थानीयको दाबी छ।
बिर्ता प्रहरी कार्यालय मौन किन?
स्थानीयवासीले जिल्ला प्रशासन कार्यालय र प्रहरी प्रशासनसँग बजार छप्कैया क्षेत्रमा रातको समयमा विशेष निगरानी बढाउन माग गरेका छन्। उनीहरूले तस्करीमा संलग्न भनिएका व्यक्तिहरूमाथि निष्पक्ष छानबिन गरी दोषी पाइए कानुनी कारबाही गर्न माग गरेका छन्।
यसैबीच, केही स्थानीयले तस्करीमा संलग्न भनिएका व्यक्तिहरूलाई संरक्षण वा प्रोत्साहन मिलिरहेको आरोपसमेत लगाएका छन्। उनीहरूले पर्सा जिल्ला प्रहरी कार्यालयका डीएसपी चक्रबहादुर मल्ल, बिर्ता प्रहरी कार्यालयका इन्स्पेक्टर विक्रम सुवेदी,बजार छप्कैयाका बरिस्ट सई नेत्र राना तथा अन्य केही व्यक्तिहरूको भूमिकामाथि प्रश्न उठाएका छन्।
तर, सम्बन्धित प्रहरी अधिकारी तथा अन्य व्यक्तिहरूमाथि लगाइएका आरोपहरूको स्वतन्त्र पुष्टि हुन बाँकी छ। आरोप प्रमाणित नभएसम्म कसैलाई दोषी ठहर गर्न नमिल्ने भएकाले यस विषयमा निष्पक्ष छानबिन र प्रमाणमा आधारित अनुसन्धान आवश्यक देखिन्छ।
समाचारमा नाम जोडिएका प्रहरी अधिकारी तथा अन्य सम्बन्धित पक्षको प्रतिक्रिया प्राप्त हुन सकेमा त्यसलाई समेत समेटिनेछ।
“अब मुख्य प्रश्न—पटक–पटक तस्करी भइरहेको आरोप सार्वजनिक हुँदासमेत बजार छप्कैया क्षेत्रमा प्रभावकारी निगरानी र कारबाही किन हुन सकेको छैन?”
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३