वीरगंज, १९ असोज । मुआब्जा माग गर्दै वीरगंज–२५ श्रीसियावासीले श्रीसिया सुक्खा बन्दरगाह (ड्राइपोर्ट)को मुलगेटमा आज बिहान ७ बजेदेखि त्रिपाल टांगेर धर्ना दिइरहेका छन्।
धर्नाकारीहरुका अनुसार ८०–९० जनाको फिल्डबुकको जग्गा, घर, अस्पताल, स्कूल लगायतको स्ववासी जग्गाको मुआब्जा सरकारले दिन ढिलाइ गरिरहेको भन्दै प्रदर्शन गरिरहेका हुन् ।
सरकारले संरचनाको मुआब्जा दिंदा फूसको घरमा एक प्रतिशत, खपडाको घरमा डेढ प्रतिशत र पक्की घरमा २ प्रतिशत सम्पत्ति कर काट्ने भनेपछि सोको विरोध समेत गरेका छन् ।
मुआब्जाको सम्पूर्ण रकम पाउनुपर्ने र लिखित सम्झौता गरेको खण्डमा मात्र धर्ना तोड्ने वीरगंज–२५ की वडा सदस्य तेतरी देवीले बताइन् । उनले सरोकारवाला निकायले यसबारे गम्भीर नभए भोलिदेखि डाइपोर्ट सडकमै त्रिपाल टांगेर, पशु चौपायासमेत बाँध्ने र सडकमै खाना पकाएर खाने तथा दैनिक जीवन बिताउने चेतावनी समेत दिएका छन् ।
यसअघि जिल्ला प्रशासन कार्यालय, पर्साका सहायक प्रजिअको अगुवाईमा मुआब्जाको लागि मूल्यांकन समिति गठन निर्णय गरिएको थियो । सो समितिले संरचनाहरुको मूल्यांकन गरी अर्थ मन्त्रालयमा मुआब्जा रकम माग गर्ने र अर्थ मन्त्रालयले रकम पठाएपछि मात्र आन्दोलनकारीहरुलाई मुआब्जा रकम वितरण गर्न सकिने प्रशासनले जनाएको छ ।
सामाजिक सञ्जालमा एक महिलाको वैवाहिक सम्बन्धसम्बन्धी कथा अहिले चर्चामा आएको छ। आफूलाई Akai Riko अर्थात् ‘lady_with_flaws’ का रूपमा चिनाउने ती महिलाले आफ्नो एउटा गल्तीका कारण १० वर्ष लामो वैवाहिक सम्बन्ध अन्त्य भएको दाबी गरेकी छन्।
उनका अनुसार श्रीमान्ले आफूले गरेको धोका (cheating) बारे थाहा पाएपछि सम्बन्धबाट अलग हुने निर्णय गरेका थिए। त्यसयता करिब दुई वर्ष बितिसकेको भए पनि आफूले श्रीमान्लाई पुनः सम्बन्धमा फर्काउन नसकेको उनले बताएकी छन्।
Akai का अनुसार उनले आफ्नो गल्ती स्वीकार गर्दै श्रीमान्सँग माफी मागेकी छन्। सम्बन्ध सुधार्न पटक–पटक प्रयास गर्नुका साथै आफूलाई अर्को अवसर दिनसमेत आग्रह गरेकी थिइन्। तर श्रीमान्को निर्णयमा अहिलेसम्म कुनै परिवर्तन नआएको उनको भनाइ छ।
उनको अनुभव सार्वजनिक भएपछि सामाजिक सञ्जालमा वैवाहिक सम्बन्धमा भएको एउटा गल्तीले वर्षौं पुरानो सम्बन्ध अन्त्य गर्न सक्छ कि सक्दैन भन्ने विषयमा बहस सुरु भएको छ। केही सामाजिक सञ्जाल प्रयोगकर्ताले विश्वासघातले वर्षौंमा बनेको विश्वास एकैपटक समाप्त गर्न सक्ने बताएका छन् भने केहीले लामो वैवाहिक सम्बन्धलाई कम्तीमा संवाद र सुधारको अर्को अवसर दिनुपर्ने धारणा राखेका छन्।
Akai ले भने आफूले गरेको एउटा गल्तीका कारण १० वर्ष लामो वैवाहिक सम्बन्ध र त्यससँग जोडिएका अनेकौं सम्झनाहरू गुमाउनुपरेको अनुभूति भएको बताएकी छन्। उनका लागि सम्बन्ध गुमाउनु मात्र नभई आफ्नो गल्तीको परिणामसँग लामो समयसम्म बाँच्नु पनि पीडादायी बनेको देखिन्छ।
यद्यपि, यो घटना Akai Riko ले सामाजिक सञ्जालमार्फत सार्वजनिक गरेको विवरणमा आधारित छ। उनको दाबीबाहेक घटनाको स्वतन्त्र पुष्टि गर्ने विश्वसनीय स्रोत भेटिएको छैन। त्यसैले यसलाई उनको व्यक्तिगत अनुभव र दाबीका रूपमा मात्र बुझ्नुपर्ने हुन्छ।
काठमाडौं । जेनजी अभियन्ता रक्षा बमले नेपाली कांग्रेसको १५औँ महाधिवेशनले जेनजी आन्दोलनले उठाएका प्रश्न तथा पार्टीभित्र सुधारको आवश्यकतालाई गम्भीरतापूर्वक सम्बोधन गर्नुपर्ने बताएकी छन्।
आइतबार सामाजिक सञ्जालमार्फत आफ्नो धारणा सार्वजनिक गर्दै बमले जेनजी आन्दोलनपछि उठेका प्रश्न र नेपाली कांग्रेसभित्र सुधारको आवश्यकता सम्बोधन गर्ने उद्देश्यसहित कांग्रेस विशेष महाधिवेशन हुँदै नियमित महाधिवेशनमार्फत नयाँ नेतृत्व चयनको प्रक्रियामा अघि बढेको उल्लेख गरेकी छन्।
उनले १५औँ महाधिवेशन पार्टीभित्र आत्मालोचना, आत्मसमीक्षा र सुधारको विषयमा गम्भीर बहस गर्ने अवसर बन्नुपर्ने बताएकी छन्।
बमले कांग्रेसका संस्थापक नेता बीपी कोइरालाले पार्टीभित्रको आत्मालोचनाको आवश्यकतालाई जोड दिएको प्रसंग उल्लेख गर्दै विगतका कमजोरी र गल्तीको समीक्षा गरेर पार्टीलाई सुधारको बाटोमा अघि बढाउनुपर्ने धारणा राखेकी छन्।
उनका अनुसार कांग्रेसले बाहिरबाट आएको आलोचनाभन्दा आफ्नै इतिहास, विगतका निर्णय र संस्थापक नेताहरूका विचारबाट पाठ सिक्न आवश्यक छ। विशेषगरी बीपी कोइरालाको आत्मालोचनाको भावलाई १५औँ महाधिवेशनले मनन गर्नुपर्ने उनको भनाइ छ।
जेनजी आन्दोलनमा युवाहरूले आफ्नो प्रतिनिधित्व र राजनीतिक सहभागिताको प्रश्न उठाएको उल्लेख गर्दै बमले कांग्रेसमा युवाको सहभागिता अझ विस्तार हुनुपर्ने बताएकी छन्।
उनले निश्चित उमेरपछि पनि एउटै व्यक्ति पटक–पटक नेतृत्वमा दोहोरिन खोज्ने प्रवृत्तिमा समेत परिवर्तन आवश्यक रहेको धारणा राखेकी छन्।
बमले कांग्रेसभित्रको आन्तरिक लोकतन्त्र बलियो हुनुपर्ने र युवालाई दिइएको राजनीतिक स्पेस आगामी दिनमा पनि निरन्तर रहनुपर्ने बताएकी छन्।
‘सुधारिएको र बदलिएको कांग्रेस’ हेर्ने आफ्नो इच्छा रहेको बताउँदै बमले १५औँ महाधिवेशनले पार्टीको विगतका कमजोरीको समीक्षा गर्दै नयाँ पुस्ताको अपेक्षा र जेनजी आन्दोलनले उठाएका सवाललाई सम्बोधन गर्ने दिशामा अघि बढ्नुपर्नेमा जोड दिएकी छन्।
काठमाडौं । नागरिक उन्मुक्ति पार्टी नेपालका संस्थापक तथा संरक्षक रेशमलाल चौधरीले जनताबाट लोकप्रिय मत पाएका नेताहरूलाई झ्यालखानामा थुन्ने राजनीतिक प्रवृत्ति अन्त्य गर्न माग गरेका छन्।
नेपाली कांग्रेसको १५औँ महाधिवेशनको उद्घाटन समारोहलाई सम्बोधन गर्दै चौधरीले मञ्चमा आसीन राष्ट्रिय स्वतन्त्र पार्टी (रास्वपा) का सभापति रवि लामिछानेतर्फ संकेत गर्दै यस्तो धारणा राखेका हुन्।
आफू विगतमा जेलमा रहेका बेला लामिछानेले भेट्न आएको प्रसंग स्मरण गर्दै चौधरीले लोकप्रिय हुनु र जनताको समर्थन पाउनु नै जेल जाने अवस्था बन्न नहुने बताए।
‘धेरै लोकप्रिय भयो र जनताले धेरै मन परायो भने जाने बाटो झ्यालखानामा रहेछ। छातीमा छ लोगो सांसद पदको, बाटो देखायो सरकार कालो कोठरीको, धेरै भोट पाएर होला झ्यालखानामा बन्द छु भन्ने अवस्था आयो,’ उनले भने, ‘आइन्दा यो कुरा बन्द गरियोस्।’
गगन थापाप्रति आशावादी
चौधरीले कांग्रेस सभापति गगन थापाप्रति भने आशा व्यक्त गरेका छन्। पुराना पुस्ताका नेताहरूले देश निर्माण गर्न नसकेको टिप्पणी गर्दै उनले अब नयाँ पुस्ताका नेताहरूबाट देशले परिवर्तनको अपेक्षा गरेको बताए।
‘हिजो सबै कपाल फुलेर आफूलाई युवा भन्नेहरूले देश बिगारे, अहिले पूरै कपाल काला भएकाहरूले पनि देश बनाउने छनक देखाएका छैनन्,’ उनले भने, ‘अब गगनजी जस्तो आधा कपाल र १०–२० वटा दाह्री फुलेका नेताले देश पक्कै बनाउँछन् भन्ने विश्वास छ।’
थारु समुदायको राजनीतिक प्रतिनिधित्वबारे प्रश्न
कांग्रेसले कमैया मुक्ति र संविधान निर्माणमा महत्त्वपूर्ण भूमिका खेलेको स्मरण गर्दै चौधरीले संविधानमा विभिन्न समुदायका अधिकार उल्लेख भए पनि त्यसको प्रभावकारी कार्यान्वयन हुन नसकेको गुनासो गरे।
उनले थारु समुदायको राजनीतिक प्रतिनिधित्वबारे प्रश्न गर्दै नेपालको सत्ताको नेतृत्व तहमा थारु समुदायका व्यक्ति कहिले पुग्ने भन्ने प्रश्न उठाए।
‘नेपालको संविधानमा ६.७ प्रतिशत रहेका थारुहरू सत्ताको कुर्सीमा कहिले पुग्ने ? हाम्रा थारु सेनापति, प्रधानन्यायाधीश र मुख्यसचिव कहिले हुने ?’ उनले प्रश्न गरे।
टीकापुरलाई छुट्टै जिल्ला बनाउन माग
चौधरीले ऐतिहासिक टीकापुरलाई छुट्टै जिल्ला घोषणा गर्नसमेत माग गरेका छन्। उनका अनुसार २०२७ सालमै टीकापुरलाई लिएर योजना बनेको र जेनेभाको नक्सासमेत ल्याइएको थियो। तर नेपाललाई ७७ जिल्ला बनाउँदा टीकापुरलाई छुट्टै जिल्लाका रूपमा समेटिएन।
उनले टीकापुरलाई तत्काल छुट्टै जिल्ला घोषणा गरी आवश्यक सीमांकन गर्न सरकारसँग माग गरे।
‘सबै पहिचान मिलेर नेपाल सुन्दर बन्छ’
सम्बोधनका क्रममा चौधरीले आफूले ३५० भन्दा बढी राष्ट्रिय गीत गाएको उल्लेख गर्दै नेपाल विभिन्न जातजाति, भाषा, संस्कृति र पहिचानको साझा देश भएको बताए।
उनले धोती, टोपी, माला लगायत विभिन्न समुदायका पहिचान र संस्कृतिको सम्मान गर्दै सबैको पहिचान मिलेर नै नेपाल सुन्दर बन्ने धारणा राखे।
चौधरीले राजनीतिक अधिकारसँगै सबै समुदायको पहिचान, प्रतिनिधित्व र समान अवसर सुनिश्चित गर्नुपर्नेमा जोड दिए।
काठमाडौं । खुलामञ्चमा नेपाली कांग्रेसको १५औँ महाधिवेशन चलिरहेको प्रसङ्गलाई लिएर प्रधानमन्त्री बालेन शाहले सामाजिक सञ्जालमार्फत गरेको टिप्पणीप्रति जेनजी अभियन्ता रक्षा बमले तीखो प्रतिक्रिया जनाएकी छन्।
प्रधानमन्त्री शाहको व्यङ्ग्यात्मक टिप्पणीपछि आइतबार फेसबुकमार्फत प्रतिक्रिया दिँदै अभियन्ता बमले नयाँ पुस्ताको आन्दोलन, त्यस क्रममा भएको रगत र बलिदानकै जगमा अहिलेको राजनीतिक नेतृत्वले अवसर पाएको दाबी गरेकी छन्।
बमले लेखेकी छन्, ‘धन्न जेन-जीहरूले आन्दोलन गर्दिएर, रगत बगाइदिएर, घाइते/सहिद भइदिएर, सामान्य राजनीतिक संस्कारसमेत नभएकाहरू प्रधानमन्त्री, मन्त्री र सांसद हुन पाएका छन्।’
उनको यो अभिव्यक्ति प्रधानमन्त्री शाहको यसअघिको सामाजिक सञ्जाल पोस्टप्रति लक्षित देखिन्छ।
यसअघि खुलामञ्चमा जारी नेपाली कांग्रेसको १५औँ महाधिवेशनमा सभापति गगन थापाले प्रधानमन्त्री संसद्मा उपस्थित नहुने गरेको भन्दै प्रश्न उठाएका थिए।
थापाको टिप्पणीपछि प्रधानमन्त्री शाहले सामाजिक सञ्जालमा ‘धन्न खुलामञ्च राम्रो बनाइएछ, नयाँ पार्टीले कार्यक्रम गरेर गाली गर्न पाएका छन्’ भन्दै व्यङ्ग्यात्मक टिप्पणी गरेका थिए।
प्रधानमन्त्री शाहको उक्त अभिव्यक्तिपछि बमले सामाजिक सञ्जालमार्फत जवाफ दिँदै राजनीतिक नेतृत्वको संस्कार, मर्यादा र नयाँ पुस्ताको आन्दोलनको योगदानबारे प्रश्न उठाएकी हुन्।
बमको प्रतिक्रियाले प्रधानमन्त्री शाह र जेनजी आन्दोलनसँग जोडिएका अभियन्ताबीच सामाजिक सञ्जालमा पुनः राजनीतिक बहस चर्किने संकेत देखिएको छ।
- सलमान खानको ‘युवा रूप’ भन्दै भाइरल बने साजिद नाडियाडवालाका छोरा सुफयान
- प्रधान मंत्री बालेन : ‘धन्न खुलामञ्च राम्रो बनाइएछ, नयाँ पार्टीले गाली गर्न पाए’
- अवैध रूपमा नेपालतर्फ ल्याइँदै गरेको १९८ गोटा गिरिराज जातका चल्ला सशस्त्र प्रहरी द्वारा बरामद
- केन्द्रीय सदस्यमा सहराम राउत गद्दीको उम्मेदवारी घोषणा, ‘राष्ट्रियता, लोकतन्त्र र समाजवाद’लाई मूल आधार
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३