काठमाडौं: पत्नी हत्या अभियोगमा दोषी ठहर भई कैद भुक्तान गरिरहेका सशस्त्र प्रहरीका पूर्व प्रहरी नायव महानिरीक्षक (डीआईजी) रञ्जन कोइरालाले दायर गरेको बन्दीप्रत्यक्षीकरण रिट सर्वोच्च अदालतले खारेज गरेको छ। सर्वोच्च अदालतको यस निर्णयसँगै कोइरालाले पुनः २० वर्ष कैद भुक्तान गर्नुपर्ने भएको छ।
बुधबार न्यायाधीशद्वय महेश शर्मा पौडेल र बालकृष्ण ढकालको संयुक्त इजलासले कोइरालाले दायर गरेको बन्दीप्रत्यक्षीकरण रिट खारेज गर्ने आदेश दिएको हो। कोइरालाले स्वास्थ्य अवस्था लगायतका कारण देखाउँदै गत मंसिर २६ गते सर्वोच्च अदालतमा रिट दायर गरेका थिए।
यसअघि मंसिर २८ गते न्यायाधीश बालकृष्ण ढकालको एकल इजलासले रिटमाथि प्रारम्भिक सुनुवाइ गर्दै कारण देखाऊ आदेश जारी गरेको थियो। कोइरालाले दायर गरेको रिटमा गृह मन्त्रालय, प्रधानमन्त्री तथा मन्त्रिपरिषद्को कार्यालय, कारागार व्यवस्थापन विभाग तथा जिल्ला प्रशासन कार्यालयलाई विपक्षी बनाइएको थियो।
पूर्वडीआईजी कोइरालालाई २०६८ साल माघ महिनामा आफ्नै पत्नी गीता ढकालको हत्या गरेको अभियोगमा जिल्ला अदालत तथा उच्च अदालतले जन्मकैद अर्थात २० वर्ष कैद सजाय सुनाएका थिए। तर २०७७ साल असारमा तत्कालीन प्रधानन्यायाधीश चोलेन्द्र शमशेर जबरा र न्यायाधीश तेजबहादुर केसीको संयुक्त इजलासले सजाय घटाउने फैसला गरेपछि कोइराला ८ वर्ष ६ महिना कैद भुक्तान गरेर रिहा भएका थिए।
तर पछि सर्वोच्च अदालतले २०७९ जेठ १२ गते उक्त सजाय घटाउने फैसला बदर गर्दै पुनः जन्मकैदको सजाय कायम गरेको थियो। यससँगै कोइरालालाई बाँकी कैद सजाय भुक्तान गर्नुपर्ने अवस्था सिर्जना भएको हो।
कोइरालामाथि महाराजगञ्ज क्षेत्रमा आफ्नै पत्नीको हत्या गरी शव पालुङ क्षेत्रमा लगेर जलाएको आरोप लागेको थियो। उक्त घटनापछि उनलाई २०६८ माघ २८ गते थानकोटबाट पक्राउ गरिएको थियो।
सर्वोच्च अदालतको पछिल्लो आदेशपछि अब कोइरालाले पूर्ण रूपमा २० वर्ष कैद सजाय भुक्तान गर्नुपर्ने कानुनी अवस्था कायम भएको छ।

काठमाडौं – राष्ट्रिय स्वतन्त्र पार्टी (रास्वपा) कपिलवस्तु जिल्ला संगठन प्रमुख रिखिराम भट्टराईलाई प्रहरीले पक्राउ गरेको छ। प्रहरीका अनुसार अनुसन्धानमा रहेको बैंक कारोबारसम्बन्धी गोप्य कागजात सामाजिक सञ्जाल फेसबुकमार्फत सार्वजनिक गरेको आरोपमा उनलाई नियन्त्रणमा लिइएको हो।

कपिलवस्तुको बाणगंगा नगरपालिका–८ निवासी भट्टराईलाई बुधबार पक्राउ गरिएको जिल्ला प्रहरी कार्यालयले जनाएको छ। प्रहरी नायव उपरीक्षक (डीएसपी) रिपेन्द्र कुमार सिंहका अनुसार भट्टराईले गत माघ २६ गते आफ्नो फेसबुक खातामार्फत प्रहरी अनुसन्धानमा रहेको बैंक कारोबारका कागजात सार्वजनिक गरेका थिए।

प्रहरीका अनुसार अनुसन्धान प्रक्रियामा रहेका संवेदनशील कागजात सार्वजनिक गर्नु कानुनी रूपमा अपराध मानिने भएकाले उजुरीका आधारमा उनलाई पक्राउ गरिएको हो। सामाजिक सञ्जालमार्फत विभिन्न सामग्री पोष्ट गरी घृणा र द्वेष फैलाएको तथा गोपनीयता भङ्ग गरेको आरोपसमेत उनीमाथि लागेको छ।

डीएसपी सिंहले भट्टराईमाथि विद्युतीय कारोबार ऐन, २०६३ बमोजिम कारबाही प्रक्रिया अघि बढाइएको जानकारी दिएका छन्। उक्त ऐन अन्तर्गत विद्युतीय माध्यमबाट गोप्य सूचना सार्वजनिक गर्ने, भ्रम फैलाउने वा कसैको प्रतिष्ठामा आँच पुर्‍याउने कार्यलाई दण्डनीय अपराध मानिएको छ।

प्रहरी स्रोतका अनुसार भट्टराई यसअघि पनि सामाजिक सञ्जाल प्रयोग गरेर विभिन्न व्यक्तिहरूविरुद्ध चरित्रहत्या गर्ने गतिविधिमा संलग्न रहेको आरोप लाग्दै आएको थियो। यस घटनाबारे थप अनुसन्धान भइरहेको प्रहरीले जनाएको छ।

यस घटनाले सामाजिक सञ्जाल प्रयोग गर्दा कानुनी दायित्व र जिम्मेवारीबारे पुनः बहस सुरु गराएको छ। प्रहरीले अनुसन्धान पूरा भएपछि थप विवरण सार्वजनिक गर्ने जनाएको छ।

काठमाडौं । पूर्वराजा ज्ञानेन्द्र शाहको स्वागत कार्यक्रमलाई लक्षित गर्दै त्रिभुवन अन्तर्राष्ट्रिय विमानस्थल आसपासको क्षेत्र कडा सुरक्षा व्यवस्थासहित ‘लकडाउन’ सरह बन्द गरिएको छ। जिल्ला प्रशासन कार्यालय काठमाडौंले सुरक्षा संवेदनशीलतालाई ध्यानमा राख्दै एक महिनाका लागि निषेधाज्ञा जारी गरेको हो।

राप्रपा तथा विभिन्न राजावादी समूहहरूले फागुन १ गते विमानस्थलमै पूर्वराजा ज्ञानेन्द्रको भव्य स्वागत गर्ने घोषणा गरेपछि सम्भावित भीडभाड, प्रदर्शन तथा सुरक्षा चुनौतीलाई मध्यनजर गर्दै प्रशासनले यस्तो निर्णय गरेको जनाएको छ।

प्रमुख जिल्ला अधिकारी ईश्वरराज पौडेलद्वारा जारी आदेशअनुसार गोल्डेन गेट क्षेत्रदेखि त्रिभुवन अन्तर्राष्ट्रिय विमानस्थलको हाताभित्र पर्ने सबै सडक, टर्मिनल क्षेत्र तथा पार्किङस्थलमा पाँच जनाभन्दा बढी व्यक्ति भेला हुन, जुलुस, धर्ना, प्रदर्शन, सभा, घेराउ लगायतका गतिविधि पूर्ण रूपमा प्रतिबन्ध लगाइएको छ। यो आदेश बिहीबारदेखि लागू भइसकेको छ।

प्रशासनका अनुसार विमानस्थल देशको अत्यन्त संवेदनशील संरचना भएकाले कुनै पनि प्रकारको भीड वा अव्यवस्थित गतिविधिले सुरक्षा जोखिम बढ्न सक्ने भएकाले निषेधाज्ञा जारी गरिएको हो। साथै यात्रु आवागमन र उडान व्यवस्थामा असर नपरोस् भन्ने उद्देश्यले पनि यस्तो कदम चालिएको बताइएको छ।

यता राजावादी समूहहरूले भने स्वागत कार्यक्रम गर्ने आफ्नो तयारी जारी रहेको जनाएका छन्। उनीहरूले प्रशासनको निर्णयप्रति असन्तुष्टि जनाउँदै शान्तिपूर्ण रूपमा कार्यक्रम गर्ने अधिकार सुरक्षित हुनुपर्ने बताएका छन्।

सुरक्षा निकायले विमानस्थल क्षेत्र र आसपासका स्थानमा निगरानी बढाइएको जनाएको छ। सम्भावित भीड नियन्त्रण र सुरक्षा व्यवस्थापनका लागि अतिरिक्त सुरक्षाकर्मी परिचालन गर्ने तयारी गरिएको छ।

यस विषयमा थप विवरण आउँदै जाने क्रममा सम्बन्धित निकायहरूले आवश्यक सूचनाहरू सार्वजनिक गर्ने जनाइएको छ।

ा

वीरगन्ज ।पर्सा निर्वाचन क्षेत्र नम्बर३बाट रावस्पाका उम्मेदवार रामाकान्त चौरसिया माथि जनताको बिच कहिले नदेखा नपर्ने नेता रहेकोले मतदाता बिच असुन्तुष्टी र विवाद बढेको छ।

चौरसियाले स्थायी क्षेत्र नम्बर २ छोडेर राजनितिक समरक्षणको  आधारमा क्षेत्र नम्बर ३ मा उम्मेदवारी दिएको आरोप लागेको छ। निर्माण व्यासाय संग जोडेका अनियमिता , गुणस्तरीय हिन काम,अधुरा योजनाको बिषयले उनको नैतिकता र जिम्मेवारी माथि स्थानी स्तरबाट प्रशन उठन् थालेको छ।

शौक्षिक यौगता सिमित भएपनि पैसाको बलमा निर्वाचन लडेको आरोप मतदाले लगाएका छन्।चौरसियाले आफ्नो निर्वाचन क्षेत्रमा प्रचार प्रसारमा स्कूलै बालबालिकालाई प्रयोग गरेको भन्दै आचारसहिता उल्लेघनको जन-आक्रोस बढेको छ।

यस्तो आरोपमा उनको दल र अन्य पार्टीबाट केही स्पष्ट प्रतिक्रिया आएको छैन।रावस्पाले पार्टीको नेता कार्यकर्तालाई टिकट नदिई पैसावाला ठेकदार र पुर्जीपतीलाई टिकट दिएको आरोप लगाउदै क्षेत्र नम्बर ३ का मतदाताले बताएका छन्।

आगामी निर्वाचनमा जेन–जी आन्दोलनको प्रभाव र पार्टी नेतृत्वको लोकप्रियताका कारण रास्वपाले पर्साका चारमध्ये केही क्षेत्रमा जित निकाल्न सक्ने चर्चा थियो । तर पर्सा–३ मा अन्तिम समयमा गरिएको उम्मेदवार छनोटपछि त्यो आङ्कलन कमजोर बन्ने मत केही राजनीतिक विश्लेषक तथा मतदाताहरूले व्यक्त गरेका छन् ।पर्सा निर्वाचन क्षेत्र नम्बर–३ बाट राष्ट्रिय स्वतन्त्र पार्टी (रास्वपा) का उम्मेदवार चौरसिया स्थानीय मतदाताबीच ‘भोट कटुवा’ नेताको रूपमा चर्चामा आएका छन्। चुनावी गतिविधिमा सक्रिय भए पनि जनताका अनुसार उनले क्षेत्रको विकास, शिक्षा, स्वास्थ्य र रोजगारीमा ठोस योगदान गरेका छैनन्।

राष्ट्रिय स्वतन्त्र पार्टी (रास्वपा) ले पर्सा निर्वाचन क्षेत्र नम्बर–३ मा सक्षम र प्रभावशाली उम्मेदवार दिन नसकेको भन्दै स्थानीय मतदाता तथा राजनीतिक वृत्तमा आलोचना सुरु भएको छ ।

स्थानीयहरूको भनाइ अनुसार चौरसियाको पर्सा–३ क्षेत्रमा सामाजिक लगानी न्यून छ । उनी यसअघि मुख्य रूपमा आफ्नो व्यापार–व्यवसायमा व्यस्त रहँदै आएका थिए भने सामाजिक तथा राजनीतिक रूपमा उल्लेखनीय योगदान देखिँदैन । यस्तो पृष्ठभूमि भएका व्यक्तिलाई रास्वपाले उम्मेदवार बनाउँदा जिल्ला नै राजनीतिक रूपमा चर्चाको विषय बनेको छ ।

पर्सा क्षेत्र नम्बर ३ मा नेकपा एमाले र नेपाली काग्रेसका उम्मेदवार कडा प्रतिस्पर्धा रहेको छ भन्ने रावस्पाका उम्मेदवार चौरसिया छौठो स्थानमा रहेको मतदाताहरुले बताउछन्।