काठमाडौं। भोटेकोशी नदीमा आएको बाढीमा परी ज्यान गुमाउनेको संख्या ७३४ पुगेको छ। प्रहरी प्रधान कार्यालयले आज बिहान ८:०० बजेसम्मको विवरण सार्वजनिक गर्दै हालसम्म २ हजार ६९९ जनाको सकुशल उद्धार गरिएको जनाएको छ।

विभिन्न जिल्लाहरूबाट हालसम्म ७३४ जनाको शव फेला परेको छ। प्रहरीका अनुसार चितवनमा २५९, नवलपरासी पूर्वमा १८५, नवलपरासी पश्चिममा ८२, गोरखामा ५८, नुवाकोटमा ५२, धादिङमा ५०, तनहुँमा ३६ र रसुवामा १३ जनाको शव फेला परेको हो।

उद्धार कार्य अन्तर्गत सुरक्षाकर्मीले नुवाकोटबाट २ हजार २०, रसुवाबाट ६७६ र धादिङबाट ३ जनाको उद्धार गरेका छन्। यस्तै काठमाडौँका विभिन्न अस्पतालमा उपचाररत रहेका १६० जना निको भएर घर फर्किएका छन्।

यसैबिच, बाढीपछि उद्धार तथा सुरक्षामा खटिएका ८४ जना सुरक्षाकर्मी अझै सम्पर्कविहीन रहेको प्रहरीले जनाएको छ। सम्पर्कविहीन हुनेहरूमा नेपाली सेनाका ४४, नेपाल प्रहरीका २७ र सशस्त्र प्रहरी बलका १३ जना रहेका छन्। उनीहरूको खोजी कार्य निरन्तर जारी छ।

वीरगञ्ज । वीरगञ्जका वरिष्ठ उद्योगपति, समाजसेवी तथा रुङ्टा ग्रुपका अध्यक्ष मुरलीधर रुङ्टाले बाढी तथा पहिरोबाट प्रभावित नागरिकको राहत, उद्धार तथा पुनःस्थापनाका लागि प्रधानमन्त्री दैवी प्रकोप उद्धार कोषमा २ करोड १ लाख रुपैयाँ सहयोग गरेका छन्।

रुङ्टा ग्रुपअन्तर्गत सञ्चालित विभिन्न उद्योग तथा प्रतिष्ठानबाट सामाजिक उत्तरदायित्वअन्तर्गत उक्त रकम सहयोग गरिएको हो।

यसअघि शनिबार हरिखेतान बहुमुखी कलेजमा आयोजित कार्यक्रममा कलेज व्यवस्थापन समितिका कोषाध्यक्षसमेत रहेका सुरेशकुमार रुङ्टाले बाढीपहिरो प्रभावित नागरिकको राहतका लागि ३० देखि ४० लाख रुपैयाँसम्म सहयोग गर्ने घोषणा गरेका थिए। तर घोषणाको भोलिपल्टै रुङ्टा ग्रुपले प्रतिबद्धताभन्दा करिब छ गुणा बढी अर्थात् २ करोड १ लाख रुपैयाँ उद्धार कोषमा जम्मा गरेको हो।

रुङ्टा ग्रुपका सञ्चालक सुरेशकुमार रुङ्टाले प्रधानमन्त्री दैवी प्रकोप उद्धार कोषका लागि २ करोड १ लाख रुपैयाँको चेक हस्तान्तरण गरेका छन्।

देशका विभिन्न क्षेत्रमा बाढी तथा पहिरोका कारण ठूलो जनधनको क्षति भइरहेका बेला प्रभावित परिवारलाई तत्काल राहत, उद्धार तथा पुनःस्थापनामा सहयोग पुगोस् भन्ने उद्देश्यले रकम प्रदान गरिएको रुङ्टा ग्रुपले जनाएको छ।

ग्रुपले उद्योग तथा व्यवसायसँगै सामाजिक उत्तरदायित्वलाई प्राथमिकतामा राख्दै विभिन्न विपद्, स्वास्थ्य, शिक्षा तथा सामाजिक सेवाका क्षेत्रमा सहयोग गर्दै आएको जनाएको छ।

ग्रुपका सञ्चालक सुरेशकुमार रुङ्टाले आगामी दिनमा पनि आवश्यकता र परिस्थितिअनुसार विपद् तथा सामाजिक सेवाका क्षेत्रमा सहयोग र सहकार्यलाई निरन्तरता दिने प्रतिबद्धता व्यक्त गरेका छन्।

विपद्को कठिन घडीमा निजी क्षेत्रबाट गरिएको २ करोड १ लाख रुपैयाँको सहयोगले प्रभावित नागरिकको राहत तथा पुनःस्थापनामा महत्वपूर्ण योगदान पुग्ने अपेक्षा गरिएको छ। रुङ्टा ग्रुपको यो सहयोगलाई सामाजिक उत्तरदायित्व तथा मानवीय सेवाको महत्वपूर्ण उदाहरणका रूपमा लिइएको छ।

राजन कुमार बानिया

पर्सा १३ भादौ

मानव जीवन बचाउन र रगतको अभाव न्यूनीकरण गर्ने उद्देश्यले धोबीनी गाउँपालिका-४ लंगडी चौकमा आयोजित बृहत् खुला रक्तदान कार्यक्रम सफलतापूर्वक सम्पन्न भएको छ। Human Love Charity Fund द्वारा आयोजित उक्त कार्यक्रममा ३ महिला सहित ८८ जनाले आफ्नो अमूल्य रक्तदान गरेका छन। कार्यक्रममा विभिन्न क्षेत्रका नागरिक, युवा, समाजसेवी तथा रक्तदाताहरूको उत्साहजनक सहभागिता रहेको थियो। रक्तदान गर्नेहरूमा 

महिलामा चित्रन्जना पटेल ,हिना बेगम, रेन्जु पटेल, रामपुर्ती साह कानु, निरज पटेल,लोकनाथा पटेल,रामान्नद ठाकुर,सुलतान मिया,रामबाबु पटेल, पसुराम पटेल, राजन गुप्ता, रोसन चौरसिया, उमेश साह कानु,अमन पटेल, प्रशान्त गुप्ता ,अलियास मिया, लगायतका व्यक्तिहरूले मानव सेवाको भावनासहित रक्तदान गरेका थिए। सहभागीहरूले रक्तदानलाई जीवनदानको रूपमा व्याख्या गर्दै नियमित रक्तदान अभियानलाई निरन्तरता दिनुपर्नेमा जोड दिएका थिए।

Human Love Charity Fund का अध्यक्ष डा.इम्रान अन्सारीको अध्यक्षतामा सम्पन्न कार्यक्रममा प्रमुख अतिथिमा धोबीनी गाउँपालिका अध्यक्ष मदन प्रसाद चौहान र अतिथिमा वडा अध्यक्ष अबास मिया, मनाउर अहमद, कार्यपालिका सदस्य दिनेश कलवारको उपस्थिति रहेको थियो।कार्यक्रमलाई सम्बोधन गर्दै वक्ताहरूले रक्तदान मानवताको सबैभन्दा ठूलो सेवा भएको उल्लेख गर्दै रगतको अभावका कारण कुनै पनि बिरामीले ज्यान गुमाउन नपरोस् भन्ने उद्देश्यले यस्ता अभियान आवश्यक रहेको बताए। उनीहरूले युवाहरूलाई सामाजिक उत्तरदायित्व निर्वाह गर्दै नियमित रूपमा रक्तदान गर्न आग्रह गरेका थिए।

नेपाल रेडक्रस सोसाइटी पर्साका अध्यक्ष बृज किशोर पटेलले रक्तदानले बिरामीहरूको जीवन बचाउन महत्वपूर्ण भूमिका खेल्ने बताउँदै स्वस्थ व्यक्तिले नियमित रूपमा रक्तदान गर्नुपर्ने धारणा व्यक्त गरे। उनले समाजमा रक्तदानसम्बन्धी सकारात्मक सन्देश फैलाउन युवाहरूको भूमिका महत्वपूर्ण रहेको उल्लेख गरे।उक्त कार्यक्रममा नेपाल उपस्थिति रहेको थियोे।

आयोजक संस्थाले रक्तदान कार्यक्रममा सहभागी भई सहयोग गर्ने सम्पूर्ण रक्तदाता, अतिथि तथा सहयोगी संस्थाप्रति आभार व्यक्त गर्दै आगामी दिनमा पनि यस्ता सामाजिक तथा मानवीय कार्यक्रमलाई निरन्तरता दिने जनाएको छ। कार्यक्रममा Human Love Charity Fund का रिजवान अन्सारी, बिकाश साह, अजय पटेल, मुकेश पटेल,रेयाज हुसेन,राजन कुमार बानिया, मुक्तीजहुर अन्सारी,खालिद जेया,नवसाद अन्सारी,अन्सारी,साजित अन्सारी, समिम समानी,निरज पटेल, सतयम गुप्ता,राममुर्ती साह कानु, लगाएतको सहभागी रहेको थियो र 

कार्यक्रममा रक्तसञ्चार केन्द्र वीरगञ्जका प्रमुख सौरवराज पाण्डेको नेतृत्वमा आएको प्राविधिक टोलीले रक्तसंकलनका लागि प्राविधिक सहयोग गरेको थियो ।

बारा, भदौ १३ —

बाराको विश्रामपुर गाउँपालिका–३ मुसहरवा टोलका ११ वर्षीय राजेश गुप्ता (मिठु) को शंकास्पद मृत्यु भएपछि आफन्तजन र स्थानीयवासी आक्रोशित भएका छन्।

भदौ ९ गते बिहान करिब ९ बजेसम्म गाउँमै देखिएका राजेश त्यसपछि बेपत्ता भएका थिए। उनको खोजी गर्ने क्रममा भदौ ११ गते भारतको रक्सौलस्थित सिङ्गियाही नदीमा शव फेला परेको थियो। भारतीय प्रहरीले शव पोस्टमार्टमका लागि मुजफ्फरपुर पठाएको र हाल शव रक्सौल प्रहरीको नियन्त्रणमा रहेको जनाइएको छ।

राजेशका आफन्तले उनको मृत्यु खोलामा डुबेर नभई गाउँकै केही युवाले ललाई–फकाई अन्यत्र लगेर हत्या गरी शव नदीमा फालेको आशंका गरेका छन्। राजेशले प्रयोग गर्ने मोबाइल गाउँकै एक किशोरको घरमा फेला परेको दाबी गर्दै परिवारले ती किशोरसहित सम्बन्धित व्यक्तिमाथि सूक्ष्म अनुसन्धान गर्न माग गरेको छ।

घटनाको सत्यतथ्य छानबिन गरी दोषीलाई कारबाही गर्न माग गर्दै शुक्रबार साँझ गाउँले तथा आफन्तले टायर बालेर प्रदर्शनसमेत गरेका थिए।

यसैबीच, बारा प्रहरीले घटनाको अनुसन्धानका क्रममा गाउँका ८ जना युवालाई नियन्त्रणमा लिएर सोधपुछ गरेको जनाएको छ। तीमध्ये ४ जनालाई सोधपुछपछि रिहा गरिएको र बाँकीमाथि अनुसन्धान भइरहेको प्रहरीले जनाएको छ।

प्रहरीका अनुसार घटना अनुसन्धानकै क्रममा रहेकाले राजेशको मृत्युको वास्तविक कारण तथा घटनामा कसैको संलग्नता रहे–नरहेकोबारे थप तथ्य अनुसन्धानपछि मात्रै खुल्नेछ।