वीरगञ्ज । जिल्लाको सुरक्षा व्यवस्थाको केन्द्र मानिने जिल्ला प्रहरी कार्यालय पर्साकै मुख्य गेट अगाडिबाट दिनदहाडै केटिएम डुक मोटरसाइकल चोरी भएपछि वीरगञ्जको सुरक्षा अवस्थामाथि गम्भीर प्रश्न उठेको छ ।

शुक्रबार दिउँसो करिब २ः१२ बजे जिल्ला प्रहरी कार्यालय अगाडि पार्किङ गरेर राखिएको मधेश प्रदेश ०३–०३९ प ७१७८ नम्बरको केटिएम डुक मोटरसाइकल अज्ञात व्यक्तिले चोरी गरेको हो । उक्त मोटरसाइकल धोबिनी गाउँपालिका–१ निवासी प्रमेश्वर साह रौनियारको नाममा दर्ता रहेको बताइएको छ ।

घटना जिल्ला प्रहरी कार्यालय, जिल्ला ट्राफिक प्रहरी कार्यालय पर्सा तथा जिल्ला हुलाक कार्यालय नजिकैको व्यस्त क्षेत्रमा भएको हो । स्थानीयका अनुसार उक्त क्षेत्रमा दिनभर प्रहरी तथा ट्राफिक प्रहरीको बाक्लो उपस्थिती रहने गर्दछ ।

प्रहरी स्रोतका अनुसार सिसिटिभी फुटेजमा देखिएको व्यक्ति यसअघि भएका अन्य मोटरसाइकल चोरी घटनामा पनि संलग्न रहेको आशंका गरिएको छ । तर पटक–पटक फुटेजमा देखिए पनि आरोपी पक्राउ नपरेपछि प्रहरीको अनुसन्धान र सक्रियतामाथि प्रश्न उठ्न थालेको छ ।

पीडित पक्षले घटनास्थलको सिसिटिभी फुटेज माग्दा प्रहरी प्रशासनले उपलब्ध नगराएको आरोप समेत लगाएको छ । मोटरसाइकल चोरीको घटनाबारे सवारीधनीले जिल्ला प्रहरी कार्यालय पर्सामा जानकारी गराइसकेको बताइएको छ ।

प्रहरी कार्यालयकै गेट अगाडिबाट चोरीको घटना भएपछि सर्वसाधारणले वीरगञ्जको सुरक्षा प्रणाली कमजोर बन्दै गएको टिप्पणी गर्न थालेका छन् ।

वीरगञ्ज । जिल्लाको सुरक्षा व्यवस्थाको केन्द्र मानिने जिल्ला प्रहरी कार्यालय पर्साकै मुख्य गेट अगाडिबाट दिनदहाडै केटिएम डुक मोटरसाइकल चोरी भएपछि वीरगञ्जको सुरक्षा अवस्थामाथि गम्भीर प्रश्न उठेको छ ।

शुक्रबार दिउँसो करिब २ः१२ बजे जिल्ला प्रहरी कार्यालय अगाडि पार्किङ गरेर राखिएको मधेश प्रदेश ०३–०३९ प ७१७८ नम्बरको केटिएम डुक मोटरसाइकल अज्ञात व्यक्तिले चोरी गरेको हो । उक्त मोटरसाइकल धोबिनी गाउँपालिका–१ निवासी प्रमेश्वर साह रौनियारको नाममा दर्ता रहेको बताइएको छ ।

घटना जिल्ला प्रहरी कार्यालय, जिल्ला ट्राफिक प्रहरी कार्यालय पर्सा तथा जिल्ला हुलाक कार्यालय नजिकैको व्यस्त क्षेत्रमा भएको हो । स्थानीयका अनुसार उक्त क्षेत्रमा दिनभर प्रहरी तथा ट्राफिक प्रहरीको बाक्लो उपस्थिती रहने गर्दछ ।

प्रहरी स्रोतका अनुसार सिसिटिभी फुटेजमा देखिएको व्यक्ति यसअघि भएका अन्य मोटरसाइकल चोरी घटनामा पनि संलग्न रहेको आशंका गरिएको छ । तर पटक–पटक फुटेजमा देखिए पनि आरोपी पक्राउ नपरेपछि प्रहरीको अनुसन्धान र सक्रियतामाथि प्रश्न उठ्न थालेको छ ।

पीडित पक्षले घटनास्थलको सिसिटिभी फुटेज माग्दा प्रहरी प्रशासनले उपलब्ध नगराएको आरोप समेत लगाएको छ । मोटरसाइकल चोरीको घटनाबारे सवारीधनीले जिल्ला प्रहरी कार्यालय पर्सामा जानकारी गराइसकेको बताइएको छ ।

प्रहरी कार्यालयकै गेट अगाडिबाट चोरीको घटना भएपछि सर्वसाधारणले वीरगञ्जको सुरक्षा प्रणाली कमजोर बन्दै गएको टिप्पणी गर्न थालेका छन् ।

काठमाडौं । रुपन्देही प्रहरीले नक्कली नेपाली रुपैयाँ छाप्ने प्रिन्टरसहित दुई जनालाई पक्राउ गरेको छ। पक्राउ परेकाबाट कम्प्युटर, प्रिन्टर तथा नक्कली नोटसमेत बरामद भएको केन्द्रीय प्रहरी समाचार कक्षले जनाएको छ।

लुम्बिनी सांस्कृतिक नगरपालिकाको क्षेत्रमा नक्कली नोटको कारोबार भइरहेको भन्ने गोप्य सूचनाका आधारमा इलाका प्रहरी कार्यालय लुम्बिनीबाट खटिएको विशेष प्रहरी टोलीले उनीहरूलाई नियन्त्रणमा लिएको हो।

जिल्ला प्रहरी कार्यालय रुपन्देहीका अनुसार पक्राउ पर्नेमा भारत उत्तर प्रदेश सिद्धार्थनगर नौगढ ककरहवाका ३८ वर्षीय अब्दुल हमिद र रुपन्देही लुम्बिनी सांस्कृतिक नगरपालिका–११ मसिनाका २२ वर्षीय अनिल पासी ‘विक्की’ रहेका छन्।

प्रहरीले प्रारम्भिक अनुसन्धान तथा खोजतलासका क्रममा नोट छाप्न प्रयोग गरिने उपकरण, कैँची तथा प्रिन्ट भइसकेका र प्रिन्ट गर्न बाँकी अवस्थाका नक्कली नोटसहितका सामग्री बरामद गरेको जनाएको छ।प्रहरीले बिहीबार राती उनीहरूलाई पक्राउ गरे पनि शुक्रबार साँझ मात्रै घटना सार्वजनिक गरेको हो।

प्रहरीका अनुसार पक्राउ परेकाहरूको साथबाट एउटै नम्बर ९ङ २५ ०२४९१२० रहेका ५०० दरका ३० थान तयारी नक्कली नोट, १००, ५०० र १००० दरका प्रिन्ट भई कटिङ गर्न बाँकी ७ थान नोट, १ थान सिपियु, १ थान प्रिन्टर र १ थान मोनिटर बरामद गरिएको छ। यसैगरी ४ रिम प्रिन्ट पेपर, २ थान मोबाइल र १ थान कैँची पनि बरामद भएको प्रहरीले जनाएको छ।

जिल्ला प्रहरी कार्यालय रुपन्देहीका सूचना अधिकारी प्रहरी नायब उपरीक्षक कृष्णकुमार चन्दका अनुसार पक्राउ परेका व्यक्ति र बरामद सामग्रीमाथि थप अनुसन्धान भइरहेको छ।

प्रहरी चौकी गण्डकका इन्चार्ज मनिष सिंहले घुमुवा प्रहरी परिचालन गरी विभिन्न अवैध कारोबारी तथा यातायात व्यवसायीहरूबाट नियमित रूपमा रकम असुली गरिरहेको आरोप लागेको हो। यस कार्यमा प्रहरी हवलदार प्रेम यादवको मुख्य भूमिका रहेको स्थानीय स्रोतहरूले बताएका छन्।

स्रोतका अनुसार वीरगंज तथा कलैयाबाट सञ्चालन हुने रात्री बस, माइक्रोबस तथा ट्रान्सपोर्टका सवारी साधनहरूबाट मासिक रूपमा ठूलो रकम संकलन गर्ने गरिएको छ। विशेषगरी विभिन्न ट्रान्सपोर्ट कम्पनीमार्फत अन्य जिल्लातर्फ पठाइने गाडीहरूमा अवैध सामग्री ओसारपसार हुने गरेको र ती गाडीहरूलाई कारवाही गर्नुको सट्टा प्रहरीसँग “सेटिङ” मिलाएर सहज रूपमा आवतजावत गर्न दिइने गरेको आरोप छ। प्रहरी हवलदार प्रेम यादवले ती सवारी साधनका चालक तथा व्यवसायीहरूसँग मासिक रकम बुझ्ने सहमति गरेर काम गरिरहेको दाबी गरिएको छ।

स्थानीय स्रोतहरूले जनाएअनुसार वीरगंज क्षेत्रबाट दैनिक दर्जनौं गाडीहरू अवैध सामग्री बोकेर गण्डक नाका हुँदै अन्य जिल्लातर्फ जाने गर्दछन्। ती गाडीहरूमा शंकास्पद सामग्री रहेको सूचना प्रहरीलाई भए पनि नियमित चेकजाँच र कानुनी कारवाही भने नगर्ने गरिएको आरोप छ। बरु, सम्बन्धित पक्षसँग आर्थिक लेनदेन गरी सहज रूपमा छुट दिने गरिएको बताइन्छ।

त्यसैगरी, वीरगंजबाट चल्ने रात्री बस तथा माइक्रोबसमार्फत पोके तस्करी पनि व्यापक रूपमा हुने गरेको दाबी गरिएको छ। स्रोतका अनुसार केही महिला तस्करहरूलाई प्रति “पोका” निश्चित रकमका आधारमा छुट दिने गरिएको छ। एक पोके तस्करले नाम नछाप्ने शर्तमा बताएअनुसार, यदि ड्युटीमा रहेका प्रहरीले सोधपुछ गरेमा “यो सामान प्रेम सरसँग मिलाइएको हो” भन्नेबित्तिकै कुनै अवरोध बिना जान दिइने गरेको छ। यसले प्रहरी चौकीभित्रैबाट अवैध गतिविधिलाई संरक्षण भइरहेको आशंका बढाएको स्थानीयहरूको भनाइ छ।

प्रहरी हवलदार प्रेम यादवको दरबन्दी मकवानपुर जिल्लामा रहे पनि उनी लामो समयदेखि वीरगंज क्षेत्रमा घुमुवाको रूपमा कार्यरत रहेको बताइएको छ। यसअघि पनि उनी परवानीपुर प्रहरी चौकीमा घुमुवा प्रहरीको रूपमा बसेको र सीमावर्ती क्षेत्रमा हुने तस्करी तथा अवैध कारोबारबारे राम्रो जानकारी राख्ने व्यक्तिका रूपमा चिनिने गरिएको स्रोतको दाबी छ। यही कारणले उनलाई गण्डक चौकीका इन्चार्ज मनिष सिंहले आफूसँगै राखी रकम असुलीको जिम्मेवारी दिएको आरोप लगाइएको छ।