पर्सा क्षेत्र नम्बर १ का सांसद हरि पन्तले हरिखेतान सामुदायिक क्याम्पसमा पछिल्ला दिनमा बढ्दै गएको आन्तरिक विवाद, झडप तथा अशान्त अवस्थाबारे सरकारले तत्काल छानबिन गर्नुपर्ने माँग गरेका छन्।

प्रतिनिधि सभाको शून्य समयमा बोल्दै सांसद पन्तले करिब २०३८ सालमा स्थापना भएको उक्त क्याम्पसमा हाल करिब चार हजार विद्यार्थी तथा १५० भन्दा बढी प्राध्यापक र कर्मचारी कार्यरत रहेको उल्लेख गरे। उनले निरन्तरको तनाव र प्रदर्शनका कारण नियमित पठनपाठन प्रभावित बनेको बताए।

उनका अनुसार लामो समयदेखि शैक्षिक केन्द्रका रूपमा परिचित क्याम्पसमा पछिल्ला दिनमा बारम्बार प्रदर्शन र झडप हुन थालेपछि शैक्षिक वातावरण नै असहज बनेको छ।

स्थानीय सरोकारवालाहरूले क्याम्पस गोठी संस्थानको जग्गामा निर्माण भएको र निर्माणमा सहयोग गर्ने दातासँग सम्बन्धित केही व्यक्तिहरूले मूल विधानमा पटक–पटक संशोधन गरेको आरोप लगाएका छन्। यसका कारण क्याम्पस व्यवस्थापन निजीकरणतर्फ उन्मुख भएको आशंका समेत बढेको बताइएको छ।

हालै भएको झडपका क्रममा क्याम्पस प्रमुखमाथि दुर्व्यवहार भएको, केही कर्मचारी प्रहरी हिरासतमा परेको तथा केहीलाई सेवाबाट हटाइएको विवरण सार्वजनिक भएको छ। घटनापछि क्याम्पसको शैक्षिक वातावरण थप तनावपूर्ण बनेको छ।

सांसद पन्तले निष्पक्ष छानबिन समिति गठन गरी क्याम्पसको विधान, प्रशासनिक संरचना तथा देखिएका विवादबारे अध्ययन गर्न सरकारसँग माग गरेका छन्। उनले सामुदायिक क्याम्पसको मूल मर्मअनुसार पठनपाठनलाई नियमित र व्यवस्थित बनाउनुपर्नेमा जोड दिए।

क्याम्पसमा उत्पन्न तनावका कारण हजारौं विद्यार्थीको शैक्षिक भविष्य अन्योलमा परेको भन्दै स्थानीय सरोकारवालाहरूले समेत सम्बन्धित निकायको ध्यानाकर्षण गराएका छन्।

वीरगञ्ज । हाल नेपालमा पश्चिमी वायु र स्थानीय वायुको प्रभाव रहेको छ। यसको प्रभाव रहँदा हाल देशको पहाडी र हिमाली भूभागमा साधारणतया बादल लागेको छ भने बाँकी तराई भूभागमा मौसम मुख्यतया सफा रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। 

महाशाखाका अनुसार आज दिउँसो कोशी, मधेस, बागमती र गण्डकी प्रदेशलगायत लुम्बिनी र कर्णाली प्रदेशको हिमाली र पहाडी भूभागमा साधारणतया बादल लाग्नेछ। बाँकी प्रदेशका हिमाली र पहाडी भूभागमा आंशिक बादल लाग्नेछ भने बाँकी तराई भूभागमा मुख्यतया सफा रहनेछ। कोशी, बागमती र गण्डकी प्रदेशका केही स्थान तथा मधेश प्रदेशलगायत बाँकी हिमाली र पहाडी भूभागका केही स्थानमा मध्यमसम्म वर्षा र हिमपातको सम्भावना छ। सुदूरपश्चिम र लुम्बिनी प्रदेशका तराई भूभागमा तातो दिन हुने सम्भावना रहेको महाशाखाले जनाएको छ।

त्यसैगरी, आज राति कोशी, मधेस, बागमती र गण्डकी प्रदेशमा साधारणतया बादल लाग्नुका साथै बाँकी पहाडी र हिमाली भूभागमा आंशिक बादल लाग्नेछ। बाँकी तराई भूभागमा मौसम मुख्यतया सफा रहनेछ। कोशी, मधेस, बागमती र गण्डकी प्रदेशका एकदुई स्थानमा मेघगर्जन र चट्याङसहित हल्का वर्षा र हिमपातको सम्भावना रहेको महाशाखाले जनाएको छ।

काठमाडौं– काभ्रेपलाञ्चोकको नमोबुद्ध नगरपालिकामा बर्ड फ्लुको संक्रमण पुष्टि भएको छ । 

नगरपालिकाको वडा नं.२ स्थित २६ बाहिनी सैनिक ब्यारेक वरिपरि रहेका कागहरू दैनिक रूपमा मर्न थालेपछि गरिएको प्रयोगशाला परीक्षणमा बर्डफ्लु प्रमाणित भएको हो ।

नगरपालिकाका अनुसार मरेका कागहरूमा बर्ड फ्लुसँग मिल्दोजुल्दो लक्षण देखिएपछि नमुना संकलन गरी केन्द्रीय पशुपन्छी रोग अन्वेषण प्रयोगशाला, त्रिपुरेश्वर पठाइएको थियो । 

उक्त प्रयोगशालाले जेठ ४ गते सार्वजनिक गरेको परीक्षण प्रतिवेदनअनुसार मोलिकुलर विधिबाट परीक्षण गर्दा ‘लो प्याथोजेनिक–एच ९ प्रमाणित भएको नगर कार्यपालिकाको कार्यालयले जनाएको छ ।

बर्डफ्लु पुष्टि भएसँगै नगरपालिकाले यसबाट हुन सक्ने सम्भावित क्षति र जनस्वास्थ्यमा पर्न सक्ने जोखिम न्यूनीकरणका लागि नगरवासी र सरोकारवालाहरूमा उच्च सतर्कता अपनाउन अपिल गरेको छ ।

बिरगंज, ०६ जेठ

जिल्ला प्रहरी कार्यालय पर्साले बोक्सी आरोपसम्बन्धी घटनामा संलग्न रहेको आरोपमा तीन महिलालाई पक्राउ गरेको जनाएको छ।

जिल्ला प्रहरी कार्यालय पर्साको प्रबक्ता एवम् प्रहरी नायब उपरीक्षक हरि बहादुर बस्नेतको अनुसार वीरगंज महानगरपालिका वडा नम्बर–३२ चोर्नी टोलस्थित एक घरमा बोक्सी आरोप लगाउँदै अमानवीय व्यवहार गरिएको घटनामा संलग्न तीन जनालाई मँगलबार नियन्त्रणमा लिइएको हो।

प्रहरीका अनुसार गत फागुन २७ गते करिब ११ः३० बजे वीरगंज महानगरपालिका–३२ निवासी २८ वर्षीया मुन्ती देवी समेत जोखेबालीलाई बोक्सीको आरोप लगाउँदै कुटपिट तथा दुर्व्यवहार गरिएको थियो। पीडितलाई “भूत–प्रेत लागेको”, “बोक्सी परेको” जस्ता आरोप लगाउँदै गालीगलौज र कुटपिट गरिएको जाहेरीका आधारमा प्रहरीले अनुसन्धान अघि बढाएको जनाएको छ।

उक्त घटनामा संलग्न रहेको आरोपमा वीरगंज महानगरपालिका–३२ चोर्नीका ३८ वर्षीया पिंकी देवी, ४४ वर्षीया पानमती देवी र ५० वर्षीया शान्ति देवी धानुकलाई प्रहरीले पक्राउ गरेको हो।

प्रहरी टोलीले उनीहरूलाई वीरगंज महानगरपालिका–८ घण्टाघर क्षेत्रमा हिँडिरहेको अवस्थामा नियन्त्रणमा लिएको जनाएको छ। पक्राउ परेका महिलामाथि बोक्सीको आरोप (कसुर र सजाय) ऐन, २०७२ अन्तर्गत मुद्दा दर्ता गरी पर्सा जिल्ला अदालतबाट सात दिनको म्याद थप अनुमति लिई थप अनुसन्धान भइरहेको जिल्ला प्रहरी कार्यालय पर्साले जनाएको छ।

प्रहरीले सामाजिक अन्धविश्वास तथा बोक्सी आरोपजस्ता अमानवीय गतिविधिमा संलग्न नहुन सबैलाई आग्रह गर्दै यस्ता घटनामा कानुनी कारबाही गरिने चेताव

नी दिएको छ।