२४ बैशाख, काठमाडौं । सर्वसाधारणको पसिनाको कमाइ खाएर फरार भएका र ऋण नतिरी बसेकाहरूका लागि सरकारी संयन्त्रले कडा कदम चाल्न सुरु गरेको छ ।
समस्याग्रस्त सहकारी व्यवस्थापन समितिले लामो समयदेखि बचतकर्ताको रकम फिर्ता गर्न अवरोध बनिरहेका ठूला ऋणीहरूको नाम धमाधम सार्वजनिक गर्न थालेको हो । बिहीबार समितिले पहिलो चरणमा १० वटा समस्याग्रस्त घोषित सहकारीका प्रभावशाली र ठूला ऋणीहरूको नामावली सार्वजनिक गर्दै उनीहरूलाई तत्काल ऋण चुक्ता गर्न चेतावनी दिएको छ । अन्य सहकारीका ऋणीहरूको नाम पनि क्रमशः सार्वजनिक गर्दै जाने समितिको योजनाले अहिले सहकारी क्षेत्रमा तरङ्ग पैदा गरेको छ ।
समितिले बिहीबार सार्वजनिक गरेको सूचीमा घेदुङ, हाम्रो सगरमाथा, तपाईं हाम्रो, नागरिक कल्याण, आइडियल यमुना, तुलसी, नेपाल वित्तीय, ओरिएन्टल कोअपरेटिभ, गौतम श्री र नेपाल सहकारी वित्तीयका ऋणीहरू समेटिएका छन् ।
यी सहकारीहरूबाट ठूलो रकम ऋण लिएर फिर्ता नगर्दा हजारौँ बचतकर्ताको बिचल्ली भएको ठहर गर्दै समितिले ऋणीहरूको विवरण भूमि व्यवस्था, सहकारी तथा गरिबी निवारण मन्त्रालयको आधिकारिक वेबसाइटमा समेत राखेको छ । यो कदमले ऋण लुकाएर बस्ने र शक्ति केन्द्रको आडमा उम्किन खोज्नेहरूलाई ठूलो नैतिक र कानुनी दबाब सिर्जना गरेको छ ।
कानुनी कारबाहीको चेतावनी र सम्पर्कको अन्तिम मौका
समितिले जारी गरेको सूचनामा सम्बन्धित ऋणीहरूलाई यथाशीघ्र समितिको कार्यालयमा सम्पर्क गरी आफ्नो दायित्व भुक्तान गर्न कडा निर्देशन दिइएको छ । यदि तोकिएको समयभित्र ऋण चुक्ता नगरेमा उनीहरूको राहदानी रोक्का गर्ने, बैंक खाता फ्रिज गर्ने र चल-अचल सम्पत्ति लिलाम गरी असुलउपर गर्ने जस्ता कानुनी कारबाही अघि बढाउने चेतावनी समेत दिइएको छ ।
समितिका अनुसार अन्य समस्याग्रस्त सहकारीका ऋणीहरूको नामावली पनि तयारी अवस्थामा रहेको र उनीहरूले तत्काल सम्पर्क नगरे क्रमशः सार्वजनिक गरिनेछ । यसले बचतकर्ताहरूमा भने आफ्नो डुबेको रकम फिर्ता हुने झिनो आशा जगाएको छ ।
२४ बैशाख, काठमाडौं । सर्वसाधारणको पसिनाको कमाइ खाएर फरार भएका र ऋण नतिरी बसेकाहरूका लागि सरकारी संयन्त्रले कडा कदम चाल्न सुरु गरेको छ ।
समस्याग्रस्त सहकारी व्यवस्थापन समितिले लामो समयदेखि बचतकर्ताको रकम फिर्ता गर्न अवरोध बनिरहेका ठूला ऋणीहरूको नाम धमाधम सार्वजनिक गर्न थालेको हो । बिहीबार समितिले पहिलो चरणमा १० वटा समस्याग्रस्त घोषित सहकारीका प्रभावशाली र ठूला ऋणीहरूको नामावली सार्वजनिक गर्दै उनीहरूलाई तत्काल ऋण चुक्ता गर्न चेतावनी दिएको छ । अन्य सहकारीका ऋणीहरूको नाम पनि क्रमशः सार्वजनिक गर्दै जाने समितिको योजनाले अहिले सहकारी क्षेत्रमा तरङ्ग पैदा गरेको छ ।
समितिले बिहीबार सार्वजनिक गरेको सूचीमा घेदुङ, हाम्रो सगरमाथा, तपाईं हाम्रो, नागरिक कल्याण, आइडियल यमुना, तुलसी, नेपाल वित्तीय, ओरिएन्टल कोअपरेटिभ, गौतम श्री र नेपाल सहकारी वित्तीयका ऋणीहरू समेटिएका छन् ।
यी सहकारीहरूबाट ठूलो रकम ऋण लिएर फिर्ता नगर्दा हजारौँ बचतकर्ताको बिचल्ली भएको ठहर गर्दै समितिले ऋणीहरूको विवरण भूमि व्यवस्था, सहकारी तथा गरिबी निवारण मन्त्रालयको आधिकारिक वेबसाइटमा समेत राखेको छ । यो कदमले ऋण लुकाएर बस्ने र शक्ति केन्द्रको आडमा उम्किन खोज्नेहरूलाई ठूलो नैतिक र कानुनी दबाब सिर्जना गरेको छ ।
कानुनी कारबाहीको चेतावनी र सम्पर्कको अन्तिम मौका
समितिले जारी गरेको सूचनामा सम्बन्धित ऋणीहरूलाई यथाशीघ्र समितिको कार्यालयमा सम्पर्क गरी आफ्नो दायित्व भुक्तान गर्न कडा निर्देशन दिइएको छ । यदि तोकिएको समयभित्र ऋण चुक्ता नगरेमा उनीहरूको राहदानी रोक्का गर्ने, बैंक खाता फ्रिज गर्ने र चल-अचल सम्पत्ति लिलाम गरी असुलउपर गर्ने जस्ता कानुनी कारबाही अघि बढाउने चेतावनी समेत दिइएको छ ।
समितिका अनुसार अन्य समस्याग्रस्त सहकारीका ऋणीहरूको नामावली पनि तयारी अवस्थामा रहेको र उनीहरूले तत्काल सम्पर्क नगरे क्रमशः सार्वजनिक गरिनेछ । यसले बचतकर्ताहरूमा भने आफ्नो डुबेको रकम फिर्ता हुने झिनो आशा जगाएको छ ।
सीमा सुरक्षा गुल्म अलौ सुगौली कोे छेत्रमा पर्ने अलौ नाका अहिले तस्करीको मुख्य बाटो बनेको खुलासा भएको छ। सशस्त्र प्रहरीका असई आफैं आफ्नाे निर्देशनमा तस्करीको वस्तु छोड्न निर्देशन दिने गरेकाे एक स्थानीयले जानकारी गराएका छन्।
सशस्त्रका असईले आफ्नाे पहिचान लुकाउँदै सीमा मा आउने तस्कर संग भेटघाट गर्ने र ठूलो रकमको महिनावारी बुझी दैनीक लाखौ लाख कोे सुर्ती, कपडा, पेस्ट, मालकिस्त बिस्कुट, भारतीय ब्रान्डको पेय पदार्थ, भारतिय ब्राण्डकोे रेडबुल लगाएत कोे वस्तु छोड्न निर्देशन दिने गरेकाे श्रोतको सहित स्थानीयको आरोप छ।
एकातिर सीमामा खटेका आफ्नै स्टाफ ( जवान हवलदार) बाट सामान छोड्न निर्देशन दिने र अर्काे तिर रकम बुझेपछि लाजमर्दो कार्य गरि कसरि यो सामान नाका कट्यो कोे बहाना बनाउँदै सामान समाउने यी असई ले आफ्नो पदको दुरपयोग गरेकाे भेटिएको छ।
भर्खरै केहीदिन पहिला परवानीपुर जीतपुर वाटोमा भएकाे घटनाले पनि तस्करी कुन नाका बाट हुँदैछ भन्ने प्रमाणित गरेकाे सँगसँगै समाजिक सञ्जाल पनि त्यो भिडियाे प्रस्तुत भएको थियो।
आफै भारतिय ब्रान्डको चामल छोड्ने , अन्य भारतिय ब्रान्डको वस्तु हरू नाका बाट छोड्ने तर आज ती असई आफैं घुमी घुमी सेतो अण्डा बिक्री वितरण गर्दा कारवाही गर्छु कोे नारा लगाएका थिए।
त्यो सेतो अण्डा आखिर अलौ नाका भएर नै नेपाल आईसीपी वा छेत्र तिर आएको हो अण्डा आउँने बेला यी असई कहा थिए? कसरी नाका कट्यो? कसरी पुग्छ अलौको नाका बाट तस्करीको वस्तु जीतपुर सम्म?
थप समाचार फेरि आउँने छ।
काठमाडौं,२३ वैशाख । सम्पत्ति शुद्धीकरण अनुसन्धानमा परेका व्यवसायी दीपक भट्ट र सुलभ अग्रवालको बन्दीप्रत्यक्षीकरण रिटमाथि आज सर्वोच्च अदालत मा सुनुवाइ हुँदैछ।
दुवै व्यवसायीले अनुसन्धानका क्रममा आफूहरूलाई गैरकानुनी रूपमा हिरासतमा राखिएको दाबी गर्दै अदालतको ढोका ढकढक्याएका हुन्। उनीहरूको रिटमाथि सुनुवाइका लागि न्यायाधीश महेश शर्मा पौडेल र श्रीकान्त पौडेलको संयुक्त इजलास तोकिएको छ।
सम्पत्ति शुद्धीकरण अनुसन्धान विभाग ले भट्ट र अग्रवालमाथि लामो समयदेखि अनुसन्धान गरिरहेको छ। सोही क्रममा हिरासतमा राखिएपछि त्यसको वैधानिकतामाथि प्रश्न उठाउँदै उनीहरूले बन्दीप्रत्यक्षीकरणको रिट दायर गरेका थिए।
सर्वोच्चले उक्त मुद्दालाई प्राथमिकताका साथ ‘हेर्न मिल्ने’ सूचीमा राखेको छ, जसले यस प्रकरणलाई कानुनी र व्यावसायिक दुवै क्षेत्रमा उच्च चासोको विषय बनाएको छ।
राज्यका अनुसन्धान निकाय र निजी क्षेत्रका प्रभावशाली व्यवसायीबीचको यो कानुनी संघर्षको नतिजाले आगामी दिनमा यस्ता मुद्दामा कानुनी दृष्टान्त स्थापित गर्ने अपेक्षा गरिएको छ।
काठमाडौं,२३ वैशाख । राष्ट्रिय स्वतन्त्र पार्टी (रास्वपा) ले आफ्नो स्वास्थ्य तथा जनसंख्या विभागलाई केन्द्रदेखि पालिकास्तरसम्म विस्तार गर्ने योजना अघि बढाएको छ। पार्टीले स्वास्थ्य क्षेत्रका नीतिगत सुधारलाई प्राथमिकतामा राख्दै संगठन विस्तारको तयारी गरेको हो।
रास्वपाकी स्वास्थ्य तथा जनसंख्या विभाग प्रमुखडा.तोसिमा कार्कीले स्वास्थ्य प्रणालीमा देखिएका समस्यालाई सुधार गर्न विभागलाई देशव्यापी रूपमा सक्रिय बनाइने बताएकी छन्।
उनका अनुसार अस्पतालमा लामो लाइन लाग्नु, उपचार महँगो हुनु तथा गाउँगाउँमा चिकित्सक र स्वास्थ्यकर्मीको अभाव हुनु उपचार सेवाको मात्र समस्या नभई समग्र स्वास्थ्य प्रणालीकै कमजोरी हो।
डा। कार्कीले स्वास्थ्य नीतिमा व्यापक सुधार ल्याउन विभागमार्फत योजनाबद्ध काम गरिने जानकारी दिँदै स्वास्थ्य क्षेत्रका विज्ञहरूलाई अभियानमा सहभागी हुन आग्रह गरेकी छन्। उनले डाक्टर, नर्स, जनस्वास्थ्य विज्ञ, स्वास्थ्य प्रविधिका इन्जिनियर तथा व्यवस्थापकहरूलाई विभागसँग जोडिन आह्वान गरेकी छन्।
रास्वपाले स्वास्थ्य सेवा पहुँच, गुणस्तर र व्यवस्थापन सुधारलाई दीर्घकालीन प्राथमिकताका रूपमा अघि बढाउने जनाएको छ।
काठमाडौं, २३ वैशाख । राजधानीको अत्यन्त व्यस्त व्यापारिक क्षेत्र इन्द्रचोक मा दिउँसै हतियार देखाएर सुनचाँदी पसल लुट्ने प्रयास भएको छ। घटनामा संलग्न तीन युवकलाई प्रहरीले पक्राउ गरेको जनाएको छ।
प्रहरीका अनुसार वैशाख १७ गते भेडासिंह स्थित ‘नैना एन्ड इशान ज्वेलरी’मा पसेर पेस्तोल देखाउँदै लुटपाट गर्ने प्रयास गरिएको थियो। तर पसल सञ्चालकको साहसिक प्रतिकारका कारण उनीहरूको योजना असफल भएको थियो।
घटनामा संलग्न रहेको आरोपमा ललितपुर महालक्ष्मी नगरपालिका–६ का २९ वर्षीय हरिकृष्ण महर्जनसहित विकेश राजवाहक र अरुण भुजेललाई जिल्ला प्रहरी परिसर काठमाडौं र काठमाडौं उपत्यका अपराध अनुसन्धान कार्यालयको संयुक्त टोलीले पक्राउ गरेको हो।
जिल्ला प्रहरी परिसर काठमाडौंका प्रवक्ता एसपी पवन भट्टराईका अनुसार पक्राउ परेका अरुण भुजेलको साथबाट घटनामा प्रयोग गरिएको पेस्तोल बरामद गरिएको छ। घटनापछि प्रहरीबाट बच्न हरिकृष्ण महर्जनले आफ्नो लुगा फेरेर हुलिया परिवर्तन गरेको खुलेको छ।
प्राविधिक निगरानी र अनुसन्धानको आधारमा उनीहरूलाई नियन्त्रणमा लिन सफल भएको प्रहरीले जनाएको छ। प्रारम्भिक अनुसन्धानमा पक्राउ परेका व्यक्तिहरू यसअघि पनि विभिन्न आपराधिक गतिविधिमा संलग्न रहेको देखिएको छ।
दिउँसै हतियार देखाएर भएको यस घटनाले राजधानीको सुरक्षा व्यवस्थामाथि प्रश्न उठाएको छ। प्रहरीले घटनामा अन्य व्यक्तिको संलग्नता भए–नभएको विषयमा थप अनुसन्धान जारी रहेको जनाएको छ।
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३