बिरगंज, पर्सा, २६ असोज
काठमाडौं — प्रधानमन्त्री वालेन्द्र शाहले कुनै पनि पेसामा सफल हुन नैतिकता, निष्ठा र इमानदारिता पहिलो सर्त भएको बताएका छन्। उनले प्रहरी सेवामा आबद्ध व्यक्तिहरूलाई पेसागत आचरण, अनुशासन र जिम्मेवारीप्रति प्रतिबद्ध रहन निर्देशन दिएका छन्।
राष्ट्रिय प्रहरी प्रतिष्ठान महाराजगञ्जमा आज आयोजित प्रहरी निरीक्षक आधारभूत तालिमको १–१८४औँ समूहको दीक्षान्त समारोहलाई सम्बोधन गर्दै प्रधानमन्त्री शाहले तालिममा सिकेका ज्ञान, सीप र अनुभवलाई व्यवहारमा उतार्न दीक्षित प्रहरी निरीक्षकहरूलाई आग्रह गरे।
उनले संविधान, प्रचलित कानुन, नियम, कार्यविधि र मापदण्डको पालना गर्दै जिम्मेवारीप्रति जवाफदेही हुनुपर्नेमा जोड दिए। प्रहरी सेवामा रहँदा पेसागत मर्यादा कायम राख्नु र आफ्नो कर्तव्य इमानदारीपूर्वक निर्वाह गर्नु आवश्यक रहेको उनको भनाइ थियो।
प्रधानमन्त्री शाहले देशमा शान्ति सुरक्षा कायम गर्ने, अपराध अनुसन्धान गर्ने तथा नागरिकका स्वतन्त्रता र अधिकारको रक्षा गर्ने महत्त्वपूर्ण जिम्मेवारी नेपाल प्रहरीको काँधमा रहेको बताए। उक्त जिम्मेवारी निर्वाह गर्दा कुनै पनि अनुचित प्रभावमा नपरी निष्पक्ष रूपमा काम गर्न उनले प्रहरी अधिकारीहरूलाई निर्देशन दिए।
“यो महत्त्वपूर्ण जिम्मेवारी निभाउँदा कुनै पनि किसिमको अनुचित प्रभावमा नपरी भेदभाव नगरी आफ्नो कर्तव्यमा कटिबद्ध रहनुहोला,” उनले भने।
प्रधानमन्त्री शाहले प्रहरी सेवालाई प्रभावकारी, पारदर्शी र नागरिकमैत्री बनाउन सूचना प्रविधिको सही प्रयोग गर्नुपर्नेमा समेत जोड दिए। प्रविधिको प्रयोगबाट काम छिटोछरितो र सहज हुनुका साथै समयमै अपराध अनुसन्धान गर्न तथा घटनालाई नियन्त्रणमा लिन सहयोग पुग्ने उनले बताए।
अपराधको निष्पक्ष, तथ्यपरक, वैज्ञानिक र प्रविधिमुखी अनुसन्धानका लागि सूचना प्रविधिको सदुपयोग आवश्यक रहेको उल्लेख गर्दै उनले यसका लागि प्रहरी सङ्गठनको नेतृत्व र प्रशिक्षणको महत्त्वपूर्ण भूमिका हुने बताए।
उनले सरकारले प्रभावकारी अनुसन्धानका लागि आवश्यक स्रोतसाधन उपलब्ध गराउन तथा प्रहरी सङ्गठनप्रतिको आफ्नो जिम्मेवारी पूरा गर्न प्रतिबद्ध रहेको पनि स्पष्ट पारे।
समारोहमा प्रधानमन्त्री शाहले दीक्षित प्रहरी निरीक्षकहरूलाई बधाई दिँदै उज्ज्वल भविष्य र सफलताको शुभकामना व्यक्त गरे। प्रहरी सेवामा आबद्ध हुन निरन्तर प्रेरणा र सहयोग प्रदान गर्ने परिवारजनप्रति पनि उनले आभार व्यक्त गरे।
समारोहमा ७९ जना प्रहरी निरीक्षक दीक्षित भएका थिए।
बिरगंज, पर्सा, २६ असोज
काठमाडौं — प्रधानमन्त्री बालेन्द्र शाह (बालेन) ले अपराधको निष्पक्ष, तथ्यपरक, वैज्ञानिक र प्रविधिमुखी अनुसन्धानका लागि सूचना प्रविधिको सही सदुपयोग गर्नुपर्ने बताएका छन्।
राष्ट्रिय प्रहरी प्रतिष्ठान, महाराजगञ्जमा आज आयोजित प्रहरी निरीक्षक आधारभूत तालिमको १८४औँ समूहको दीक्षान्त समारोहलाई सम्बोधन गर्दै प्रधानमन्त्री शाहले प्रहरी सेवामा पेसागत सफलताका लागि नैतिकता, निष्ठा र इमानदारीलाई पहिलो मानकका रूपमा लिनुपर्ने बताएका हुन्।
उनले तालिमका क्रममा सिकेका ज्ञान, सीप र अनुभवलाई पूर्ण रूपमा आत्मसात् गरी कार्यक्षेत्रमा व्यवहारमा उतार्न दीक्षित प्रहरी निरीक्षकहरूलाई निर्देशन दिए।
प्रधानमन्त्री शाहले पेसागत आचरण र अनुशासन कायम राख्दै संविधान, प्रचलित कानुन, नियम, कार्यविधि तथा मापदण्डको सही पालना गर्नु र गराउनु प्रहरीको महत्त्वपूर्ण दायित्व भएको उल्लेख गरे। उनले जिम्मेवारीप्रति जवाफदेही भएर काम गर्न पनि आग्रह गरे।
नेपाल प्रहरीले देशमा शान्ति सुरक्षा कायम गर्ने, अपराध अनुसन्धान गर्ने तथा नागरिकका अधिकार र स्वतन्त्रताको रक्षा गर्ने महत्त्वपूर्ण जिम्मेवारी निर्वाह गर्दै आएको उल्लेख गर्दै प्रधानमन्त्री शाहले कुनै पनि अनुचित प्रभावमा नपरी निष्पक्ष रूपमा कर्तव्य पूरा गर्नुपर्ने बताए।
‘यो महत्त्वपूर्ण जिम्मेवारी निभाउँदा कुनै पनि किसिमको अनुचित प्रभावमा नपरी, भेदभाव नगरी आफ्नो कर्तव्यमा कटिबद्ध रहनुहोला,’ उनले भने।
उनले प्रहरी अधिकारीले आफ्नो व्यक्तिगत भूमिका र संस्थागत जिम्मेवारीको महत्त्व बुझेर नागरिकको भावना र अपेक्षाअनुसार काम गर्नुपर्नेमा जोड दिए।
प्रधानमन्त्री शाहले सूचना प्रविधिको प्रभावकारी प्रयोगबाट अपराधको समयमै अनुसन्धान गर्न र घटनालाई तत्काल नियन्त्रणमा लिन सहयोग पुग्ने धारणा व्यक्त गरे। अपराध अनुसन्धानलाई थप प्रभावकारी, वैज्ञानिक र प्रविधिमैत्री बनाउन आधुनिक प्रविधिको उचित प्रयोग आवश्यक रहेको उनको भनाइ थियो।
समारोहमा प्रहरी निरीक्षक आधारभूत तालिमको १८४औँ समूहका ७९ जना प्रहरी निरीक्षक दीक्षित भएका छन्।
बिरगंज, पर्सा, २६ असोज
सरकारले नेकपा (एमाले) को केन्द्रीय कार्यालयको सुरक्षामा खटिएका सशस्त्र प्रहरीलाई फिर्ता बोलाएको छ। कार्यालयको सुरक्षामा खटिएका सबै सशस्त्र प्रहरी सोमबारदेखि फिर्ता भएका हुन्।
एमालेका प्रचार विभाग प्रमुख नीरज आचार्यका अनुसार पार्टीको केन्द्रीय कार्यालयमा सुरक्षाका लागि खटिएका सबै सुरक्षाकर्मी फिर्ता गएका छन्।
गृह मन्त्रालयले सुरक्षा व्यवस्थापन कार्यविधि, २०७७ विपरीत विभिन्न व्यक्ति तथा स्थानको सुरक्षामा खटिएका सुरक्षाकर्मीलाई फिर्ता गर्न ४८ घण्टे निर्देशन दिएपछि सरकारले यस्तो कदम चालेको हो।
गृह मन्त्रालय स्रोतका अनुसार मन्त्रालयको निर्देशनपछि केन्द्रबाट मात्रै १९४ जना सुरक्षाकर्मी फिर्ता भइसकेका छन्। पूर्वप्रधानमन्त्री केपी शर्मा ओली र पुष्पकमल दाहाल ‘प्रचण्ड’ लगायतका नेताहरूको सुरक्षामा मापदण्डविपरीत खटिएका सुरक्षाकर्मीलाई समेत फिर्ता गर्ने क्रम जारी छ।
सुरक्षा कटौतीपछि एमाले अध्यक्ष ओलीको सुरक्षाको जिम्मेवारी पूर्वसैनिक, पूर्वप्रहरी संगठन तथा पार्टी निकट राष्ट्रिय युवा संघ नेपालले लिने एमालेले जनाएको छ।
सरकारले पछिल्लो समय विशिष्ट व्यक्तिहरू (भीआईपी) को सुरक्षा व्यवस्थापनलाई व्यवस्थित बनाउन कार्यविधिविपरीत व्यक्तिगत सुरक्षाकर्मी तथा सहयोगी राखिएको भए फिर्ता गर्न निर्देशन दिएको थियो। सरकारले सुरक्षा मापदण्डअनुसार सुरक्षाकर्मी परिचालन गर्ने उद्देश्यले यस्तो कदम चालेको हो।
बिरगंज, पर्सा, २६ असोज
गृहमन्त्री सुधन गुरुङ भारत भ्रमणमा निस्किएका छन्। उनी बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) अन्तर्गत आयोजना हुने गृहमन्त्रीस्तरीय बैठकमा सहभागी हुन आज भारत प्रस्थान गरेका हुन्।
गृहमन्त्री बनेपछि गुरुङको यो पहिलो विदेश भ्रमण हो। नयाँ दिल्लीमा असोज २७ गते आयोजना हुने उक्त बैठक भारतीय गृहमन्त्री अमित शाहको पहलमा हुन लागेको हो।
बैठकमा नेपाल र भारतसहित बंगलादेश, भुटान, म्यानमार, श्रीलंका र थाइल्यान्डका गृहमन्त्री तथा सम्बन्धित उच्च अधिकारी सहभागी हुनेछन्। बैठकमा गृहमन्त्री गुरुङसहित भारतका अमित शाह, बंगलादेशका सलाहुद्दिन अहमद, भुटानका लुङ्तेन दोर्जी, म्यानमारका लेफ्टिनेन्ट जनरल न्युन्ट विन स्वे, श्रीलंकाका विजिथा हेराथ र थाइल्यान्डका अनुतिन चानविराकुल सहभागी हुने कार्यक्रम छ।
भ्रमणका क्रममा गृहमन्त्री गुरुङले भारतीय समकक्षी अमित शाहसँग द्विपक्षीय भेटवार्तासमेत गर्नेछन्। यद्यपि, भारतीय प्रधानमन्त्री नरेन्द्र मोदीसहित अन्य उच्चस्तरीय राजनीतिक भेटघाटको कार्यक्रम भने तय नभएको गृहमन्त्री गुरुङको सचिवालयले जनाएको छ।
गृहमन्त्री गुरुङ असोज २८ गते स्वदेश फर्किने कार्यतालिका रहेको छ।
बिरगंज, पर्सा, २५ असोज
नेकपा एमालेभित्र आगामी राजनीतिक रणनीति र आन्दोलनको स्वरूपलाई लिएर फरक मत देखिन थालेको छ। नेता महेश बस्नेत तत्काल युवा तथा भातृ सङ्गठनहरूलाई सडकमा उतारेर आक्रामक आन्दोलन र दबाबको राजनीति गर्नुपर्ने पक्षमा देखिएका छन् भने पार्टी अध्यक्ष केपी शर्मा ओलीले भने आन्दोलनमा जानुअघि कार्यकर्तालाई वैचारिक, साङ्गठनिक तथा राजनीतिक रूपमा मजबुत बनाउनुपर्नेमा जोड दिँदै आएका छन्।
बस्नेतले युवा शक्ति र भातृ सङ्गठनहरूको सक्रिय परिचालनमार्फत राजनीतिक दबाब सिर्जना गर्नुपर्ने रणनीतिलाई प्राथमिकता दिएको देखिन्छ। उनका लागि सडक आन्दोलन पार्टीको राजनीतिक उपस्थिति बलियो बनाउने र आफ्ना मुद्दालाई प्रभावकारी रूपमा उठाउने माध्यम हुन सक्छ।
तर अध्यक्ष ओलीको जोड भने तत्काल हतारमा आन्दोलनमा होमिनुभन्दा पहिले कार्यकर्तालाई प्रशिक्षित, अनुशासित र साङ्गठनिक रूपमा तयार पार्नुपर्नेमा रहेको देखिन्छ। पर्याप्त तयारीबिना गरिने आन्दोलनले अपेक्षित परिणाम दिन नसक्ने भएकाले पार्टीको आधार बलियो बनाउँदै अघि बढ्नुपर्ने उनको दृष्टिकोण रहेको छ।
सडक आन्दोलन कि प्रशिक्षण अभियान?
शीर्ष नेताहरूको प्राथमिकतामा देखिएको यही भिन्नताले एमालेभित्र अब कुन रणनीतिलाई अघि बढाउने भन्ने प्रश्न खडा गरेको छ। एकातिर तत्काल सडकमा शक्ति प्रदर्शन गरेर राजनीतिक दबाब बढाउने सोच छ भने अर्कोतिर कार्यकर्तालाई वैचारिक र राजनीतिक रूपमा तयार पारेर दीर्घकालीन रणनीतिअनुसार अघि बढ्ने दृष्टिकोण देखिन्छ।
युवा तथा भातृ सङ्गठनलाई परिचालन गर्ने विषयमा बस्नेतको सक्रियताले पार्टीभित्र तत्काल आन्दोलनको पक्षमा रहेको धारलाई प्रतिनिधित्व गरेको देखिन्छ। ओलीको प्रशिक्षणमुखी दृष्टिकोणले भने आन्दोलनभन्दा पहिले संगठन र कार्यकर्ताको तयारीलाई प्राथमिकता दिएको संकेत गर्छ।
एमालेको आगामी रणनीति के होला?
पार्टीभित्र आन्दोलनको समय, स्वरूप र तयारीबारे एउटै धारणा बन्न नसक्दा कार्यकर्तामाझ अन्योल सिर्जना हुन सक्ने देखिन्छ। यस्तो अवस्थामा नेतृत्वले तत्काल आन्दोलनको बाटो रोज्ने वा प्रशिक्षण तथा साङ्गठनिक सुदृढीकरणलाई प्राथमिकता दिने भन्ने विषयले एमालेको आगामी राजनीतिक गतिविधि निर्धारण गर्न महत्त्वपूर्ण भूमिका खेल्न सक्छ।
अन्ततः सडक आन्दोलन र कार्यकर्ता प्रशिक्षणमध्ये कुन रणनीतिलाई प्राथमिकता दिइन्छ भन्ने कुरा पार्टी नेतृत्वको निर्णयमा निर्भर रहनेछ। शीर्ष नेताहरूबीच रणनीतिक प्राथमिकतामा देखिएको यो भिन्नता कसरी समाधान हुन्छ भन्ने विषय एमालेको आगामी राजनीतिक दिशाका लागि चासोको विषय बनेको छ।
हाम्रो बारेमा
यो वेवसाइट Kathmandu Bulletin को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
सञ्चालक एवम् प्रबन्ध निर्देशक
सम्पादक : रिषि केश
पत्रकार : आयुष भुजेल
सन्चालक : बिकि यादव
विज्ञापन
Kathmandu Bulletin मा विज्ञापन गर्न फोन:- 9761929175 मा सम्पर्क गर्नुहोला ।
पत्रकार विवरण
रौतहट :
रोशन कुमार साह
+977-9703493232
बारा र पर्सा :
आर. के. भगत
+977-9712074681
सम्पर्क
📍 ठेगना: बिरगंज, पर्सा
☎ फोन: ९७६१९२९१७५
✉ ईमेल: kathmandubulletin.np@gmail.com
✸ सूचना बिभाग दर्ता नं : ५२५८–२०८२/२०८३